1. пан̣н̣аттива̄раван̣н̣ана̄

1-9. ида̄ни тейева мӯлайамаке десите кусала̄дидхамме саччавасена сан̇ган̣хитва̄ дха̄туйамака̄нантарам̣ деситасса саччайамакасса ван̣н̣ана̄ хоти. таттха̄пи хет̣т̣ха̄ вуттанайенева пан̣н̣аттива̄ра̄дайо тайо маха̄ва̄ра̄ антарава̄ра̄дайо ча авасесаппабхеда̄ ведитабба̄. пан̣н̣аттива̄ре панеттха чатуннам̣ сачча̄нам̣ васена падасодханава̄ро, падасодханамӯлачаккава̄ро, суддхасаччава̄ро, суддхасаччамӯлачаккава̄роти имесу чатӯсу ва̄ресу йамакаган̣ана̄ ведитабба̄.

10-26. пан̣н̣аттива̄раниддесе пана авасесам̣ дуккхасаччанти дуккхаведана̄йа чева тан̣ха̄йа ча винимутта̄ тебхӯмакадхамма̄ ведитабба̄. авасесо самудайоти саччавибхан̇ге ниддит̣т̣хака̄ма̄вачаракусала̄дибхедо дуккхасаччасса паччайо. авасесо ниродхоти тадан̇гавиккхамбханасамуччхедапат̣ипассаддхиниродхо чева кхан̣абхан̇ганиродхо ча. авасесо магготи ‘‘тасмим̣ кхо пана самайе пан̃чан̇гико магго хоти, ат̣т̣хан̇гико магго, миччха̄магго, джан̇гхамагго, сакат̣амагго’’ти евама̄дико.

пан̣н̣аттива̄раван̣н̣ана̄.