8. патирӯпакатха̄ван̣н̣ана̄

915-916. ида̄ни ра̄гапатирӯпакатха̄ на̄ма хоти. таттха метта̄карун̣а̄мудита̄йо сандха̄йа ‘‘на ра̄го ра̄гапатирӯпако’’ти ча исса̄маччхарийакуккучча̄ни сандха̄йа ‘‘на досо досапатирӯпако’’ти ча хаситуппа̄дам̣ сандха̄йа ‘‘на мохо мохапатирӯпако’’ти ча думман̇кӯнам̣ пуггала̄нам̣ ниггахам̣ песала̄нам̣ бхиккхӯнам̣ ануггахам̣ па̄пагарахитам̣ калйа̄н̣апасам̣сам̣ а̄йасмато пилиндаваччхасса васалава̄дам̣ бхагавато кхел̣а̄сакава̄дам̣ могхапурисава̄дан̃ча сандха̄йа ‘‘на килесо килесапатирӯпако’’ти ча йесам̣ ладдхи, сеййатха̄пи андхака̄нам̣; те сандха̄йа саббакатха̄су пуччха̄ сакава̄дисса, пат̣ин̃н̃а̄ итарасса. атха нам̣ йасма̄ пхасса̄дипатирӯпака̄ напхасса̄дайо на̄ма наттхи, тасма̄ ра̄га̄дипатирӯпака̄ нара̄га̄дайопи наттхӣти чодетум̣ аттхи на пхассотиа̄дима̄ха. итаро тесам̣ абха̄ва̄ пат̣иккхипати. сесам̣ саббаттха утта̄наттхамева̄ти.

патирӯпакатха̄ван̣н̣ана̄.