4. дхамма̄бхисамайакатха̄ван̣н̣ана̄

897. ида̄ни дхамма̄бхисамайакатха̄ на̄ма хоти. таттха атӣтабхаве сота̄паннам̣ ма̄тукуччхийам̣ васитва̄ никкхантам̣ дисва̄ ‘‘аттхи габбхасеййа̄йа дхамма̄бхисамайо’’ти йесам̣ ладдхи, сеййатха̄пи екачча̄нам̣ уттара̄патхака̄нам̣, те сандха̄йа пуччха̄ сакава̄дисса, пат̣ин̃н̃а̄ итарасса. атха нам̣ ‘‘йади таттха дхамма̄бхисамайо аттхи, дхамма̄бхисамайасса ка̄ран̣ехи дхаммадесана̄дӣхи бхавитабба’’нти чодетум̣ аттхи габбхасеййа̄йа дхаммадесана̄тиа̄дима̄ха. суттасса̄тиа̄ди бхаван̇гава̄рам̣ сандха̄йа вуттам̣. габбхасеййа̄йа хи йебхуййена бхаван̇гамева паваттати. тенева сатто кирийамайаппаватта̄бха̄ва̄ сутто, бха̄вана̄нуйогасса абха̄ва̄ паматто, каммат̣т̣ха̄напаригга̄хака̄нам̣ сатисампаджан̃н̃а̄нам̣ абха̄ва̄ мут̣т̣хассати асампаджа̄но на̄ма хоти, татха̄рӯпасса куто дхамма̄бхисамайоти?

дхамма̄бхисамайакатха̄ван̣н̣ана̄.