3. сан̃н̃оджанакатха̄ван̣н̣ана̄

881-882. ида̄ни сан̃н̃оджанакатха̄ на̄ма хоти. таттха йасма̄ араха̄ саббам̣ буддхависайам̣ на джа̄на̄ти, тасма̄ тасса таттха авиджджа̄вичикиччха̄хи аппахӣна̄хи бхавитаббанти сан̃н̃а̄йа ‘‘аттхи кин̃чи сан̃н̃оджанам̣ аппаха̄йа арахаттаппаттӣ’’ти йесам̣ ладдхи, сеййатха̄пи маха̄сан̇гхика̄нам̣, те сандха̄йа пуччха̄ сакава̄дисса, пат̣ин̃н̃а̄ итарасса. аттхи кин̃чи сакка̄йадит̣т̣хӣтиа̄ди арахато саббасам̣йоджанаппаха̄надассанаттхам̣ вуттам̣. саббам̣ буддхависайанти пан̃хадвайе арахато саббан̃н̃утан̃н̃а̄н̣а̄бха̄вена пат̣иседхо като, на авиджджа̄вичикиччха̄нам̣ аппаха̄нена. итаро пана тесам̣ аппахӣнатам̣ сандха̄йа тена хӣти ладдхим̣ патит̣т̣хапети. са̄ айонисо патит̣т̣ха̄питатта̄ аппатит̣т̣хита̄ва хотӣти.

сан̃н̃оджанакатха̄ван̣н̣ана̄.