1. са̄санакатха̄ван̣н̣ана̄

878. ида̄ни са̄санакатха̄ на̄ма хоти. таттха тиссо сан̇гӣтийо сандха̄йа ‘‘са̄санам̣ навам̣ ката’’нти ча ‘‘аттхи кочи татха̄гатасса са̄санам̣ навам̣ каротӣ’’ти ча ‘‘лаббха̄ татха̄гатасса са̄санам̣ навам̣ ка̄ту’’нти ча йесам̣ ладдхи, сеййатха̄пи екачча̄нам̣ уттара̄патхака̄нам̣; те сандха̄йа тӣсупи катха̄су пуччха̄ сакава̄дисса, пат̣ин̃н̃а̄ итарасса. сатипат̣т̣ха̄на̄тиа̄ди са̄санам̣ на̄ма сатипат̣т̣ха̄на̄дайо чева арийадхамма̄, кусала̄дӣнан̃ча десана̄. таттха йесам̣ бхагавата̄ десита̄ сатипат̣т̣ха̄на̄дайо, т̣хапетва̄ те ан̃н̃есам̣ ва̄ сатипат̣т̣ха̄на̄дӣнам̣ каран̣ена акусала̄дӣнам̣ ва̄ кусала̄дибха̄вакаран̣ена са̄санам̣ навам̣катам̣ на̄ма бхавеййа, ким̣ там̣ евам̣ катам̣ кеначи, аттхи ва̄ кочи евам̣ кароти, лаббха̄ ва̄ евам̣ ка̄тунти тӣсупи пуччха̄су чоданаттхам̣ вуттам̣. сесам̣ саббаттха йатха̄па̄л̣имева ниййа̄тӣти.

са̄санакатха̄ван̣н̣ана̄.