6. опаммасам̣санданаван̣н̣ана̄

28-36. ида̄ни рӯпа̄дӣхева саддхим̣ опаммавасена саччикат̣т̣хасам̣санданам̣ хоти. таттха рӯпаведана̄нам̣ упаладдхиса̄ман̃н̃ена ан̃н̃аттапуччха̄ ча пуггаларӯпа̄нам̣ упаладдхиса̄ман̃н̃апуччха̄ ча̄ти пуччха̄двайампи сакава̄дисса, убхопи пат̣ин̃н̃а̄ парава̄дисса. парава̄дина̄ анун̃н̃а̄тена упаладдхиса̄ман̃н̃ена рӯпаведана̄нам̣ вийа рӯпапуггала̄нам̣ ан̃н̃атта̄нуйого сакава̄дисса, пат̣иккхепо итарасса. сесамидха̄пи аттхато па̄кат̣амева. дхаммато панеттха рӯпамӯлака̄дӣнам̣ чакка̄нан̃ча васена сакава̄дӣпаккхе вӣса̄дхика̄ни нава ниггахапан̃чакасата̄ни дассита̄ни. катхам̣? кхандхесу та̄ва рӯпамӯлаке чакке чатта̄ри, татха̄ ведана̄димӯлакесӯти вӣсати. а̄йатанесу чаккха̄йатанамӯлаке чакке ека̄даса, татха̄ сесесӯти дваттим̣сасатам̣. дха̄тӯсу чаккхудха̄тумӯлаке чакке саттараса, татха̄ сесесӯти чха̄дхика̄ни тӣн̣и сата̄ни. индрийесу чаккхундрийамӯлаке чакке екавӣсати, татха̄ сесесӯти два̄сат̣т̣ха̄дхика̄ни чатта̄ри сата̄ни. евам̣ сабба̄нипи вӣса̄дхика̄ни нава ниггахапан̃чакасата̄ни хонти.

37-45. парава̄дӣпаккхепи рӯпам̣ упалаббхатӣти ануломавасенева рӯпаведана̄дӣнам̣ ан̃н̃аттапат̣ин̃н̃ам̣ ка̄ретва̄ пуна аттхи пуггалоти суттам̣ нисса̄йа чхалавасена пуггаласса рӯпа̄дӣхи упаладдхиса̄ман̃н̃ам̣ а̄ропетва̄ ан̃н̃атта̄нуйого като. сесамидха̄пи аттхато утта̄намева. дхамматопи сакава̄дӣпаккхе вуттанайена вӣса̄дхика̄ни нава пат̣икаммапан̃чакасата̄ни дассита̄ни.

рӯпа̄дӣхи саддхим̣ опаммавасена саччикат̣т̣хасам̣санданам̣.