6. кусалакатха̄ван̣н̣ана̄

844-846. ида̄ни кусалакатха̄ на̄ма хоти. таттха анаваджджампи кусалам̣ ит̣т̣хапа̄кампи. анаваджджам̣ на̄ма килесавиппайуттам̣. айам̣ найо т̣хапетва̄ акусалам̣ саббадхамме бхаджати. ит̣т̣хавипа̄кам̣ на̄ма а̄йатим̣ упапаттипаваттесу ит̣т̣хапхаланиппха̄дакам̣ пун̃н̃ам̣. айам̣ найо кусалаттике а̄дипадамева бхаджати. йесам̣ пана имам̣ вибха̄гам̣ аггахетва̄ анаваджджабха̄ваматтенева нибба̄нам̣ кусаланти ладдхи, сеййатха̄пи андхака̄нам̣, тесам̣ ит̣т̣хавипа̄кат̣т̣хена нибба̄насса кусалата̄бха̄вам̣ дӣпетум̣ пуччха̄ сакава̄дисса, аттано ладдхивасена пат̣ин̃н̃а̄ итарасса. сесамидха̄пи хет̣т̣ха̄ вуттанайатта̄ утта̄наттхамева̄ти.

кусалакатха̄ван̣н̣ана̄.