8. сама̄панно саддам̣ сун̣а̄тӣтикатха̄ван̣н̣ана̄

823-825. ида̄ни сама̄панно саддам̣ сун̣а̄тӣтикатха̄ на̄ма хоти. таттха ‘‘йасма̄ пат̣хамасса джха̄насса саддо кан̣д̣ако вутто бхагавата̄, йади ча сама̄панно там̣ на сун̣еййа, катхам̣ кан̣д̣ако сийа̄. тасма̄ сама̄панно саддам̣, сун̣а̄тӣ’’ти йесам̣ ладдхи, сеййатха̄пи пуббаселийа̄нам̣; те сандха̄йа пуччха̄ сакава̄дисса, пат̣ин̃н̃а̄ итарасса. чаккхуна̄ рӯпам̣ пассатӣтиа̄ди ‘‘сама̄паннасса та̄ва пан̃чадва̄раппаваттам̣ наттхи, тасмим̣ асати йади со саддам̣ сун̣еййа, рӯпампи пассеййа̄’’ти чоданаттхам̣ вуттам̣. саддо кан̣д̣акоти виккхепакаратта̄ вуттам̣. ол̣а̄рикена хи саддена соте гхат̣т̣ите пат̣хамаджджха̄нато вут̣т̣ха̄нам̣ хоти, тенетам̣ вуттам̣, тасма̄ аса̄дхакам̣. дутийасса джха̄насса̄тиа̄ди ‘‘йатха̄ ан̃н̃опи кан̣д̣ако антосама̄паттийам̣ наттхи, евам̣ саддассаванампӣ’’ти бодханаттхам̣ вуттам̣, там̣ саббам̣ утта̄наттхамева̄ти.

сама̄панно саддам̣ сун̣а̄тӣтикатха̄ван̣н̣ана̄.