6. джха̄насан̇кантикатха̄ван̣н̣ана̄

813-816. ида̄ни джха̄насан̇кантикатха̄ на̄ма хоти. таттха йесам̣ ‘‘идха, бхиккхаве, бхиккху вивиччева ка̄мехи пат̣хамам̣ джха̄нам̣ упасампаджджа вихарати, витаккавича̄ра̄нам̣ вӯпасама̄ дутийам̣ джха̄нам̣, татийам̣ джха̄нам̣, чатуттхам̣ джха̄нам̣ упасампаджджа вихаратӣ’’ти (сам̣. ни. 5.923-934) имам̣ пат̣ипа̄т̣идесанам̣ нисса̄йа ‘‘тасса тасса джха̄насса упача̄раппаваттим̣ вина̄ва джха̄на̄ джха̄нам̣ сан̇каматӣ’’ти ладдхи, сеййатха̄пи махиса̄сака̄нан̃чева екачча̄нан̃ча андхака̄нам̣; те сандха̄йа пуччха̄ сакава̄дисса, пат̣ин̃н̃а̄ итарасса. атха нам̣ ‘‘йади те дутийаджджха̄нӯпача̄рам̣ аппатва̄ уппат̣ипа̄т̣ийа̄ пат̣хамаджджха̄на̄ дутийаджджха̄намева сан̇камати, пат̣хамато татийам̣, дутийато чатуттхампи сан̇камеййа̄’’ти чодетум̣ пат̣хама̄ джха̄на̄тиа̄дима̄ха. йа̄ пат̣хамасса̄тиа̄ди ‘‘йади пат̣хамато анантарам̣ дутийам̣, дутийа̄дӣхи ва̄ татийа̄дӣни сама̄паджджати, ека̄ваджджанена сама̄паджджеййа̄’’ти чоданаттхам̣ вуттам̣. ка̄ме а̄дӣнаватоти пат̣хамам̣ ка̄ме а̄дӣнавато манаси карото паччха̄ уппаджджати. джха̄наккхан̣е панеса нимиттамева манаси кароти. тан̃н̃ева пат̣хаманти ‘‘йади пуримаджаванато паччхимаджаванам̣ вийа анантарам̣ уппаджджеййа, т̣хапетва̄ пуримапаччхимабха̄вам̣ лаккхан̣ато тан̃н̃ева там̣ бхавеййа̄’’ти чодетум̣ пуччхати. имина̄ упа̄йена саббаттха аттхо ведитаббо. вивиччева ка̄мехӣтиа̄дӣхи пат̣ипа̄т̣ийа̄ джха̄на̄нам̣ деситабха̄вам̣ дӣпети, на анантаруппаттим̣, тасма̄ аса̄дхаканти.

джха̄насан̇кантикатха̄ван̣н̣ана̄.