1. мануссалокакатха̄ван̣н̣ана̄

802-803. ида̄ни мануссалокакатха̄ на̄ма хоти. таттха ‘‘татха̄гато локе, джа̄то локе сам̣вад̣д̣хо, локам̣ абхибхуййа вихарати анупалитто локена̄’’ти (сам̣. ни. 3.94) суттам̣ айонисо гахетва̄ ‘‘бхагава̄ туситабхаване ниббатто таттхева васати, на мануссалокам̣ а̄гаччхати, ниммитарӯпаматтакам̣ панеттха дассетӣ’’ти йесам̣ ладдхи, сеййатха̄пи етарахи ветуллака̄нам̣йева, те сандха̄йа пуччха̄ сакава̄дисса, пат̣ин̃н̃а̄ итарасса. атха нам̣ пут̣т̣хока̄сена чева суттаса̄дханена ча сан̃н̃а̄петум̣ нану аттхӣтиа̄дима̄ха. локе джа̄тоти парава̄дӣ туситапурам̣ сандха̄йа вадати. саттха̄ра̄ панетам̣ мануссалокан̃н̃ева сандха̄йа локам̣ вуттам̣. локам̣ абхибхуййа̄ти парава̄дӣ мануссалокам̣ абхибхавитва̄ти дит̣т̣хийа̄ вадати, саттха̄ пана а̄рамман̣алокам̣ абхибхавитва̄ виха̄си. анупалитто локена̄ти парава̄дӣ мануссалокена анупалиттатам̣ва сандха̄йа вадати, саттха̄ пана локадхаммесу килесехи анупалитто виха̄си. тасма̄ аса̄дхакаметанти.

мануссалокакатха̄ван̣н̣ана̄.