9. на ваттаббам̣ сан̇гхасса диннам̣ махаппхалантикатха̄ван̣н̣ана̄

797-798. ида̄ни на ваттаббам̣ сан̇гхасса диннам̣ махаппхалантикатха̄ на̄ма хоти. татра̄пи ‘‘маггапхала̄нева сан̇гхо на̄ма, на ча сакка̄ тесам̣ кин̃чи да̄тум̣, на ча техи пат̣игган̣хитум̣, на̄пи тесам̣ да̄нена кочи упака̄ро иджджхати, тасма̄ на ваттаббам̣ сан̇гхасса диннам̣ махаппхала’’нти йесам̣ ладдхи, сеййатха̄пи тесам̣йева; те сандха̄йа пуччха̄ сакава̄дисса, пат̣ин̃н̃а̄ итарасса. а̄хунеййотиа̄ди ‘‘йади сан̇гхасса диннам̣ махаппхалам̣ на бхавеййа, на нам̣ саттха̄ евам̣ тхомеййа̄’’ти дассанаттхам̣ вуттам̣. сесам̣ йатха̄па̄л̣имева ниййа̄тӣти.

на ваттаббам̣ сан̇гхасса диннам̣ махаппхалантикатха̄ван̣н̣ана̄.