7. на ваттаббам̣ сан̇гхо даккхин̣ам̣ висодхетӣтикатха̄ван̣н̣ана̄

793-794. ида̄ни на ваттаббам̣ сан̇гхо даккхин̣ам̣ висодхетӣтикатха̄ на̄ма хоти. таттха ‘‘маггапхала̄нева сан̇гхо на̄ма, на ча та̄ни даккхин̣ам̣ висодхетум̣ сакконти, тасма̄ на ваттаббам̣ сан̇гхо даккхин̣ам̣ висодхетӣ’’ти йесам̣ ладдхи, сеййатха̄пи тесан̃н̃ева; те сандха̄йа пуччха̄ сакава̄дисса, пат̣ин̃н̃а̄ итарасса. а̄хунеййотиа̄ди ‘‘йади сан̇гхо даккхин̣ам̣ висодхетум̣ на саккун̣еййа, на нам̣ саттха̄ евам̣ тхомеййа̄’’ти дассанаттхам̣ вуттам̣. висодхетӣти махаппхалам̣ кароти. сан̇гхасмин̃хи аппам̣ диннам̣ баху хоти, баху диннам̣ бахутарам̣. даккхин̣еййа̄ти даккхин̣а̄раха̄ даккхин̣а̄йа ануччхавика̄, даккхин̣ам̣ висодхетум̣ саматтха̄ти аттхо. даккхин̣ам̣ а̄ра̄дхентӣти сампа̄денти, аппаматтика̄йапи даккхин̣а̄йа махантам̣ пхалам̣ па̄пун̣антӣти аттхо. сесам̣ хет̣т̣ха̄ вуттанайамева̄ти.

на ваттаббам̣ сан̇гхо даккхин̣ам̣ висодхетӣтикатха̄ван̣н̣ана̄.