5. рӯпам̣ хетӯтикатха̄ван̣н̣ана̄

754-756. ида̄ни рӯпам̣ хетӯти катха̄на̄ма хоти. таттха хетӯти кусаламӯла̄дино хетухетусса̄пи на̄мам̣, йасса кассачи паччайасса̄пи. имам̣ пана вибха̄гам̣ акатва̄ ‘‘чатта̄ро маха̄бхӯта̄ хетӯ’’ти вачанаматтам̣ нисса̄йа ависесенева рӯпам̣ хетӯти йесам̣ ладдхи, сеййатха̄пи уттара̄патхака̄нам̣; те сандха̄йа пуччха̄ сакава̄дисса, пат̣ин̃н̃а̄ итарасса. алобхо хетӯти ким̣ те рӯпам̣ алобхасан̇кха̄то хетӯти пуччхати, итаро пат̣иккхипати. сесесупи есева найо. маха̄бхӯта̄ упа̄да̄йарӯпа̄нам̣ упа̄да̄йахетӯти еттха паччайат̣т̣хена хетубха̄во вутто, на мӯлат̣т̣хена, тасма̄ аса̄дхаканти.

рӯпам̣ хетӯтикатха̄ван̣н̣ана̄.

757-759. сахетукакатха̄йампи имина̄ва найена аттхо ведитабботи.

рӯпам̣ сахетукантикатха̄ван̣н̣ана̄.