3. сукха̄нуппада̄накатха̄ван̣н̣ана̄

747-748. ида̄ни сукха̄нуппада̄накатха̄ на̄ма хоти. таттха ‘‘бахӯнам̣ вата но бхагава̄ сукхадхамма̄нам̣ упахатта̄’’ти (ма. ни. 2.148) суттам̣ нисса̄йа паро парасса сукхам̣ ануппадетӣти йесам̣ ладдхи, сеййатха̄пи хетува̄да̄нам̣; те сандха̄йа пуччха̄ сакава̄дисса, пат̣ин̃н̃а̄ итарасса. дуккхам̣ ануппадетӣти пут̣т̣хо пана та̄дисам̣ суттападам̣ апассанто пат̣иккхипати. аттано сукхантиа̄дипан̃хе йам̣ аттано парасса ва̄, там̣ ануппада̄тум̣ на сакка̄. йам̣ тассева, ким̣ таттха ануппада̄нам̣ на̄ма̄ти пат̣иккхипати. неваттанотиа̄дипан̃хе пана йам̣ еварӯпам̣, на там̣ ануппадиннам̣ на̄ма бхавитумарахатӣти ладдхийа̄пат̣иджа̄на̄ти. но ча вата ретита̄дисасса сукхасса абха̄ва̄ вуттам̣. сукхадхамма̄нам̣ упахатта̄тивачанам̣ бхагавато паресам̣ сукхуппаттийа̄ паччайабха̄вам̣ дӣпети, на анна̄дӣнам̣ вийа сукхасса ануппада̄нам̣, тасма̄ аса̄дхаканти.

сукха̄нуппада̄накатха̄ван̣н̣ана̄.