5. ан̃н̃о анусайотикатха̄ван̣н̣ана̄

700-701. ида̄ни ан̃н̃о анусайотикатха̄ на̄ма хоти. таттха йасма̄ путхуджджано кусала̄бйа̄кате читте ваттама̄не са̄нусайоти ваттаббо, на парийут̣т̣хитоти тасма̄ ан̃н̃о анусайо, ан̃н̃ам̣ парийут̣т̣ха̄нанти йесам̣ ладдхи, сеййатха̄пи андхака̄нам̣; те сандха̄йа ан̃н̃о ка̄мара̄га̄нусайоти пуччха̄ сакава̄дисса пат̣ин̃н̃а̄ итарасса. сесам̣ хет̣т̣ха̄ анусайакатха̄йам̣ вуттанайенева ведитаббам̣. са̄нусайотиа̄ди пана тасмим̣ самайе анусайасса аппахӣнатта̄ са̄нусайоти ваттаббатам̣, ануппаннатта̄ ча парийут̣т̣хитоти аваттаббатам̣ дӣпети, на анусайапарийут̣т̣ха̄на̄нам̣ ан̃н̃аттам̣, тасма̄ аса̄дхаканти.

ан̃н̃о анусайотикатха̄ван̣н̣ана̄.