9. дхамматан̣ха̄абйа̄ката̄тикатха̄ван̣н̣ана̄

676-680. ида̄ни дхамматан̣ха̄ абйа̄ката̄тикатха̄ на̄ма хоти. таттха рӯпатан̣ха̄…пе… дхамматан̣ха̄ти има̄су чхасу тан̣ха̄су йасма̄ саббапаччхима̄ тан̣ха̄ дхамматан̣ха̄ти вутта̄, тасма̄ са̄ абйа̄ката̄ти йесам̣ ладдхи, сеййатха̄пи пуббаселийа̄нам̣; те сандха̄йа пуччха̄ сакава̄дисса, пат̣ин̃н̃а̄ итарасса. сесапан̃ха̄нам̣ па̄л̣ийа̄ аттхо ниййа̄ти. ка̄матан̣ха̄тиа̄дӣхи тӣхи кот̣т̣ха̄сехи чхапи тан̣ха̄ сан̇кхипитва̄ дассита̄. рӯпа̄дӣсу хи чхасу а̄рамман̣есу ка̄масса̄давасена паватта̄ тан̣ха̄ ка̄матан̣ха̄. ‘‘бхависсати атта̄ ча локо ча̄’’ти сассатадит̣т̣хисахагата̄ тан̣ха̄ бхаватан̣ха̄. ‘‘на бхависсатӣ’’ти уччхедадит̣т̣хисахагата̄ тан̣ха̄ вибхаватан̣ха̄ти. нану са̄ дхамматан̣ха̄ти падам̣ тан̣ха̄йа дхамма̄рамман̣ам̣ а̄раббха паваттим̣ дӣпети, на абйа̄катабха̄вам̣ тасма̄ аса̄дхаканти.

дхамматан̣ха̄ абйа̄ката̄тикатха̄ван̣н̣ана̄.