5. нивутакатха̄ван̣н̣ана̄

665-667. ида̄ни нивутакатха̄ на̄ма хоти. таттха суддхасса суддхакичча̄бха̄вато нӣваран̣ехи нивуто опхут̣о парийонаддхо ча нӣваран̣ам̣ джахатӣти йесам̣ ладдхи, сеййатха̄пи уттара̄патхака̄нам̣; те сандха̄йа нивутотипуччха̄ сакава̄дисса, пат̣ин̃н̃а̄ итарасса. ратто ра̄гантиа̄ди нивутасса нӣваран̣аджахане досадассанаттхам̣ вуттам̣. парисуддхе парийода̄тетиа̄ди виккхамбханависуддхийа̄ висуддхасса самуччхедависуддхидассанаттхам̣ вуттам̣. тасса евам̣ джа̄натотиа̄ди джа̄нато пассато а̄саваккхайам̣ дӣпети, на нивутасса нӣваран̣аджаханам̣, тасма̄ аса̄дхаканти.

нивутакатха̄ван̣н̣ана̄.