1. каппат̣т̣хакатха̄ван̣н̣ана̄

654-657. ида̄ни каппат̣т̣хакатха̄ на̄ма хоти. таттха йесам̣ ‘‘сан̇гхам̣ самаггам̣ бхетва̄на, каппам̣ нирайамхи паччатӣ’’ти ‘‘сакалампи каппам̣ сан̇гхабхедако нирайе тит̣т̣хатӣ’’ти ладдхи, сеййатха̄пи ра̄джагирика̄нам̣; те сандха̄йа каппат̣т̣хоти пуччха̄ сакава̄дисса, пат̣ин̃н̃а̄ итарасса. буддхо ча локети идам̣ вина̄ буддхуппа̄дена сан̇гхабхедасса абха̄вадассанаттхам̣ вуттам̣. каппо ча сан̣т̣ха̄ти сан̇гхо ча бхиджджатӣтиа̄ди ‘‘йади со сакалам̣ каппам̣ тит̣т̣хати, сан̣т̣хаханато пат̣т̣ха̄йа там̣ каммам̣ катва̄ таттха уппаджджитва̄ тит̣т̣хеййа̄’’ти дассетум̣ вуттам̣. атӣтантиа̄ди хет̣т̣ха̄ вутта̄дхиппа̄йамева. каппат̣т̣хо иддхима̄ти пан̃хе бха̄вана̄майам̣ сандха̄йа пат̣иккхипати, парасамайе панасса джа̄тимайам̣ иддхим̣ иччханти, там̣ сандха̄йа пат̣иджа̄на̄ти. чхандиддхипа̄дотиа̄ди ‘‘джа̄тимайа̄йа иддхийа̄ иддхима̄ти ладдхиматтаметам̣, ким̣ тена, йади панасса иддхи аттхи, имина̄ найена иддхипа̄да̄ бха̄вита̄ бхавеййу’’нти чоданаттхам̣ вуттам̣. а̄па̄йико нерайикоти суттам̣ йам̣ со екам̣ каппам̣ асӣтибха̄ге катва̄ тато екабха̄гаматтам̣ ка̄лам̣ тит̣т̣хеййа, там̣ а̄йукаппам̣ сандха̄йа вуттам̣, тасма̄ аса̄дхаканти.

каппат̣т̣хакатха̄ван̣н̣ана̄.