8. джара̄маран̣ам̣ випа̄котикатха̄ван̣н̣ана̄

495. ида̄ни джара̄маран̣ам̣ випа̄котикатха̄ на̄ма хоти. таттха йесам̣ ‘‘аттхи дуббан̣н̣асам̣ваттанийам̣ каммам̣ аппа̄йукасам̣ваттанийам̣ камма’’нти еттха дуббан̣н̣ата̄ на̄ма джара̄. аппа̄йуката̄ на̄ма маран̣ам̣. там̣сам̣ваттанийан̃ча каммам̣ аттхи. тасма̄ джара̄маран̣ам̣ випа̄коти ладдхи, сеййатха̄пи андхака̄нам̣; те сандха̄йа пуччха̄ сакава̄дисса, пат̣ин̃н̃а̄ итарасса. пат̣иломапан̃хе ана̄рамман̣анти рӯпадхамма̄нам̣ та̄ва ана̄рамман̣амева, арӯпа̄нам̣ пана джара̄маран̣ам̣ сампайогалаккхан̣а̄бха̄ва̄ ана̄рамман̣амева.

496. акусала̄нам̣ дхамма̄нам̣ джара̄маран̣ам̣ акусала̄нам̣ дхамма̄нам̣ випа̄коти пан̃хе джара̄маран̣ена на̄ма анит̣т̣хавипа̄кена бхавитаббанти ладдхийа̄ пат̣иджа̄на̄ти. тенева ка̄ран̣ена кусала̄нам̣ дхамма̄нам̣ джара̄маран̣асса кусалавипа̄катам̣ пат̣иккхипати. парато часса акусалавипа̄катан̃н̃ева пат̣иджа̄на̄ти.

кусала̄нан̃ча акусала̄нан̃ча̄ти пуччха̄васена екато катам̣, екаккхан̣е пана там̣ наттхи. абйа̄ката̄нам̣ авипа̄ка̄нам̣ джара̄маран̣ам̣ випа̄коти ваттаббата̄йа парийа̄йо наттхи, тасма̄ абйа̄катавасена пуччха̄ на ката̄.

497. дуббан̣н̣асам̣ваттанийанти еттха дуббан̣н̣ийам̣ на̄ма апарисуддхаван̣н̣ата̄. аппа̄йуката̄ на̄ма а̄йуно чирам̣ паваттитум̣ асаматтхата̄. таттха акусалакаммам̣ каммасамут̣т̣ха̄насса дуббан̣н̣арӯпасса каммапаччайо хоти, асадисатта̄ панасса там̣випа̄ко на хоти. утусамут̣т̣ха̄на̄дино пана там̣пат̣ила̄бхавасена а̄йуно ча упаччхедакавасена паччайо хоти. еваметам̣ парийа̄йена там̣сам̣ваттаникам̣ на̄ма хоти, на випа̄капхасса̄дӣнам̣ вийа джанакавасена, тасма̄ випа̄кабха̄ве аса̄дхакам̣. сесаметтха хет̣т̣ха̄ вуттасадисамева̄ти.

джара̄маран̣ам̣ випа̄котикатха̄ван̣н̣ана̄.