2. сампайуттакатха̄ван̣н̣ана̄

473-474. ида̄ни сампайуттакатха̄ на̄ма хоти. таттха йасма̄ тиламхи телам̣ вийа на ведана̄дайо сан̃н̃а̄дӣсу анупавит̣т̣ха̄, тасма̄ ‘‘наттхи кечи дхамма̄ кехичи дхаммехи сампайутта̄, евам̣ санте н̃а̄н̣асампайуттантиа̄ди нираттхакам̣ хотӣ’’ти йесам̣ ладдхи, сеййатха̄пи ра̄джагирикасиддхаттхика̄нан̃н̃ева; те сандха̄йа ан̃н̃еневаттхена сампайуттатам̣ дассетум̣ пуччха̄ сакава̄дисса, аттано ладдхивасена пат̣ин̃н̃а̄ итарасса. сесамидха̄пи хет̣т̣ха̄ вуттанайатта̄ утта̄наттхамева. йо панеса парава̄дина̄ ‘‘йатха̄ тиламхи тела’’нтиа̄дико упама̄пан̃хо а̄хат̣о, со йасма̄ ведана̄сан̃н̃а̄нам̣ вийа тилатела̄нам̣ лаккхан̣ато на̄наттававаттха̄нам̣ наттхи. саббесупи хи тилаат̣т̣хитачесу тилоти воха̄раматтам̣, тенева тилам̣ ниббаттетва̄ гахите пуримасан̣т̣ха̄нена тило на̄ма на пан̃н̃а̄йати, тасма̄ ана̄хат̣асадисова хотӣти.

сампайуттакатха̄ван̣н̣ана̄.