9. пат̣уппаннан̃а̄н̣акатха̄ван̣н̣ана̄

441-442. ида̄ни пат̣уппаннан̃а̄н̣акатха̄ на̄ма хоти. таттха йесам̣ ‘‘саббасан̇кха̄ресу аниччато дит̣т̣хесу тампи н̃а̄н̣ам̣ аниччато дит̣т̣хам̣ хотӣ’’ти вачанам̣ нисса̄йа ‘‘ависесена саббасмим̣ паччуппанне н̃а̄н̣ам̣ аттхӣ’’ти ладдхи, сеййатха̄пи андхака̄нам̣; те сандха̄йа пат̣уппаннети пуччха̄ сакава̄дисса, пат̣ин̃н̃а̄ итарасса. атха нам̣ ‘‘йади ависесена пат̣уппанне н̃а̄н̣ам̣ аттхи, кхан̣апаччуппаннепи тена бхавитаббам̣. евам̣ санте двиннам̣ н̃а̄н̣а̄нам̣ екато абха̄ва̄ тенева н̃а̄н̣ена там̣ джа̄нитаббам̣ хотӣ’’ти чоданаттхам̣ тена̄ти ануйого сакава̄дисса. таттха пат̣хамапан̃хе тенева там̣ джа̄нитум̣ на сакка̄ти пат̣иккхепо итарасса. дутийапан̃хе сантатим̣ сандха̄йа пат̣ин̃н̃а̄ тассева. пат̣ипа̄т̣ито бхан̇гам̣ пассанто бхан̇га̄нупассаненева бхан̇га̄нупассана̄н̃а̄н̣ам̣ пассатӣти адхиппа̄йо. тена н̃а̄н̣ена там̣ н̃а̄н̣ам̣ джа̄на̄тӣтиа̄дӣсупи есева найо. тена пхассена там̣ пхассантиа̄дӣнисса лесока̄санива̄ран̣аттхам̣ вутта̄ни. йам̣ панетена ладдхипатит̣т̣ха̄панаттхам̣ нану саббасан̇кха̄ретиа̄ди вуттам̣. таттха найато там̣ н̃а̄н̣ам̣ дит̣т̣хам̣ хоти, на а̄рамман̣атоти адхиппа̄йена пат̣ин̃н̃а̄ сакава̄дисса. тасма̄ евам̣ патит̣т̣хита̄писса ладдхи аппатит̣т̣хита̄ва хоти.

пат̣уппаннан̃а̄н̣акатха̄ван̣н̣ана̄.