6. саммутин̃а̄н̣акатха̄ван̣н̣ана̄

434-435. ида̄ни саммутин̃а̄н̣акатха̄ на̄ма хоти. таттха саммутисаччам̣ параматтхасаччанти две сачча̄ни. йе пана евам̣ вибха̄гам̣ акатва̄ саччанти вачанаса̄ман̃н̃ена саммутин̃а̄н̣ампи ‘‘сачча̄рамман̣амева̄’’ти ваданти, сеййатха̄пи андхака̄; те айуттава̄диноти тесам̣ ва̄дависодханаттхам̣ айам̣ катха̄ а̄раддха̄. таттха на ваттаббанти пуччха̄ парава̄дисса, параматтхасаччам̣ сандха̄йа пат̣ин̃н̃а̄ сакава̄дисса. саммутисаччамхӣти саммутим̣ анупавит̣т̣хе саччамхи. паччатте ва̄ бхуммавачанам̣, саммутисаччанти аттхо. саммутин̃а̄н̣ам̣ сачча̄рамман̣ан̃н̃ева̄ти пуччха̄ сакава̄дисса, пат̣ин̃н̃а̄ итарасса. тато нам̣ ‘‘йади там̣ ависесена сачча̄рамман̣ан̃н̃ева, тена н̃а̄н̣ена дуккхапарин̃н̃а̄дӣни кареййа̄’’ти чодетум̣ тена н̃а̄н̣ена̄тиа̄дима̄ха.

саммутин̃а̄н̣акатха̄ван̣н̣ана̄.