4. гайа̄сӣсасуттаван̣н̣ана̄

64. чатуттхе етадавоча̄ти аттано падха̄набхӯмийам̣ уппаннам̣ витаккам̣ бхиккхусан̇гхасса а̄рочетум̣ – ‘‘пубба̄хам̣, бхиккхаве’’тиа̄дивачанам̣ авоча. обха̄санти диббачаккхун̃а̄н̣обха̄сам̣. н̃а̄н̣адассананти диббачаккхубхӯтам̣ н̃а̄н̣асан̇кха̄там̣ дассанам̣. саннивуттхапуббанти екато васитапуббам̣. имасмим̣ пана сутте диббачаккхун̃а̄н̣ам̣, иддхивидхан̃а̄н̣ам̣, четопарийан̃а̄н̣ам̣, йатха̄каммупаган̃а̄н̣ам̣, ана̄гатам̣сан̃а̄н̣ам̣, паччуппаннам̣сан̃а̄н̣ам̣, атӣтам̣сан̃а̄н̣ам̣, пуббенива̄сан̃а̄н̣анти има̄ни та̄ва ат̣т̣ха н̃а̄н̣а̄ни па̄л̣ийам̣йева а̄гата̄ни, техи пана саддхим̣ випассана̄н̃а̄н̣а̄ни чатта̄ри магган̃а̄н̣а̄ни, чатта̄ри пхалан̃а̄н̣а̄ни, чатта̄ри паччавеккхан̣ан̃а̄н̣а̄ни, чатта̄ри пат̣исамбхида̄н̃а̄н̣а̄ни чха аса̄дха̄ран̣ан̃а̄н̣а̄нӣти ета̄ни н̃а̄н̣а̄ни самодха̄нетва̄ катхентена евам̣ идам̣ суттам̣ катхитам̣ на̄ма хоти.