1. пат̣хамауггасуттаван̣н̣ана̄

21. татийасса пат̣хаме пан̃н̃атте а̄сане нисӣдӣти тасса кира гхаре пан̃чаннам̣ бхиккхусата̄нам̣ пан̃ча а̄санасата̄ни ниччам̣ пан̃н̃атта̄нева хонти, тесу ан̃н̃атарасмим̣ а̄сане нисӣди. там̣ сун̣а̄хӣти те сун̣а̄хи, там̣ ва̄ ат̣т̣хавидхам̣ аччхарийадхаммам̣ сун̣а̄хи. читтам̣ пасӣдӣти ‘‘буддхо ну кхо на буддхо ну кхо’’ти витаккаматтампи на уппаджджи, айамева буддхоти читтуппа̄до пасанно ана̄вило ахоси. сака̄ни ва̄ н̃а̄тикула̄нӣти аттано йа̄панаматтам̣ дханам̣ гахетва̄ н̃а̄тигхара̄ни гаччхату. касса во даммӣти катарапурисасса тумхе дада̄ми, а̄рочетха ме аттано адхиппа̄йам̣. аппат̣ивибхатта̄ти ‘‘еттакам̣ дасса̄ми еттакам̣ на дасса̄ми, идам̣ дасса̄ми идам̣ на дасса̄мӣ’’ти читтам̣ уппа̄дентена хи пат̣ивибхатта̄ на̄ма хоти, майхам̣ пана на евам̣. атха кхо сан̇гхика̄ вийа ган̣асантака̄ вийа ча сӣлавантехи саддхим̣ са̄дха̄ран̣а̄йева. саккаччам̣йева пайирупа̄са̄мӣти сахаттха̄ упат̣т̣хаха̄ми, читтӣка̄рена упасан̇кама̄ми.

аначчхарийам̣ кхо пана мам̣, бхантети, бханте, йам̣ мам̣ девата̄ упасан̇камитва̄ евам̣ а̄роченти, идам̣ на аччхарийам̣. йам̣ пана̄хам̣ татонида̄нам̣ читтасса ун̣н̣атим̣ на̄бхиджа̄на̄ми, там̣ ева аччхарийанти вадати. са̄дху са̄дху, бхиккхӯти еттха кин̃ча̄пи бхиккхум̣ а̄мантети, упа̄сакассева пана веййа̄каран̣асампахам̣сане еса са̄дхука̄роти ведитаббо.