2. дутийауггасуттаван̣н̣ана̄

22. дутийе на̄гаванети тасса кира сет̣т̣хино на̄гаванам̣ на̄ма уййа̄нам̣, со таттха пуребхаттам̣ гандхама̄ла̄дӣни га̄ха̄петва̄ уййа̄накӣл̣икам̣ кӣл̣итука̄мо гантва̄ парича̄рийама̄но бхагавантам̣ аддаса. саха дассаненевасса пуриманайенева читтам̣ пасӣди, сура̄па̄нена ча уппаннамандо тан̇кхан̣ам̣йева пахӣйи. там̣ сандха̄йевама̄ха. он̣оджесинти удакам̣ хаттхе па̄тетва̄ ада̄сим̣. асукоти амуко. самачиттова демӣти ‘‘имасса тхокам̣, имасса бахука’’нти евам̣ читтана̄наттам̣ на кароми, деййадхаммам̣ пана екасадисам̣ каромӣти дассети. а̄рочентӣти а̄ка̄се т̣хатва̄ а̄роченти. наттхи там̣ сам̣йоджананти имина̄ упа̄сако аттано ана̄га̄мипхалам̣ бйа̄кароти.