3. асса̄джа̄нӣйасуттаван̣н̣ана̄

13. татийе ан̇гехӣти гун̣ан̇гехи. тассам̣ диса̄йам̣ джа̄то хотӣти тассам̣ синдхунадӣтӣрадиса̄йам̣ джа̄то хоти. ан̃н̃епи бхадра̄ асса̄джа̄нӣйа̄ таттхева джа̄йанти. аллам̣ ва̄ суккхам̣ ва̄ти аллатин̣ам̣ ва̄ суккхатин̣ам̣ ва̄. на̄н̃н̃е ассе уббеджета̄ти ан̃н̃е ассе на уббеджети на пахарати на д̣ам̣сати на калахам̣ кароти. са̄т̣хеййа̄нӣти сат̣хабха̄во. кӯт̣еййа̄нӣти кӯт̣абха̄во. джимхеййа̄нӣти джимхабха̄во. ван̇кеййа̄нӣти ван̇кабха̄ва̄. иччасса чатӯхипи падехи асиккхитабха̄вова катхито. ва̄хӣти ваханасабха̄во диннова̄дапат̣икаро. йа̄ва джӣвитамаран̣апарийа̄да̄на̄ти йа̄ва джӣвитасса маран̣ена парийоса̄на̄. саккаччам̣ парибхун̃джатӣти аматам̣ вийа паччавеккхитва̄ парибхун̃джати. пурисатха̄мена̄тиа̄дӣсу н̃а̄н̣атха̄ма̄дайо катхита̄. сан̣т̣ха̄нанти осакканам̣ пат̣иппассаддхи.