4. ассакхал̣ун̇касуттаван̣н̣ана̄

14. чатуттхе ‘‘пехӣ’’ти вуттоти ‘‘гаччха̄’’ти вутто. пит̣т̣хито ратхам̣ паваттетӣти кхандхат̣т̣хикена йугам̣ уппӣл̣итва̄ паччхимабха̄гена ратхам̣ пават̣т̣енто осаккати. паччха̄ лан̇гхати, куббарам̣ ханатӣти две паччхимапа̄де уккхипитва̄ техи пахаритва̄ ратхакуббарам̣ бхиндати. тидан̣д̣ам̣ бхан̃джатӣти ратхасса пурато тайо дан̣д̣ака̄ хонти, те бхан̃джати. ратхӣса̄йа саттхим̣ уссаджджитва̄ти сӣсам̣ на̄метва̄ йугам̣ бхӯмийам̣ па̄тетва̄ саттхина̄ ратхӣсам̣ пахаритва̄. аджджхомаддатӣти двӣхи пуримапа̄дехи ӣсам̣ мадданто тит̣т̣хати. уббат̣умам̣ ратхам̣ каротӣти тхалам̣ ва̄ кан̣д̣акат̣т̣ха̄нам̣ ва̄ ратхам̣ а̄ропети. ана̄дийитва̄ти аманасикатва̄ аган̣итва̄. мукха̄дха̄нанти мукхат̣хапанаттха̄йа диннам̣ айасан̇кхаликам̣. кхӣлат̣т̣ха̄йӣти чатта̄ро па̄де тхамбхе вийа ниччалам̣ т̣хапетва̄ кхӣлат̣т̣ха̄насадисена т̣ха̄нена тит̣т̣хати. имасмим̣ сутте ват̣т̣амева катхитам̣.