10. ка̄ран̣д̣авасуттаван̣н̣ана̄

10. дасаме ан̃н̃ена̄н̃н̃ам̣ пат̣ичаратӣти ан̃н̃ена ка̄ран̣ена вачанена ва̄ ан̃н̃ам̣ ка̄ран̣ам̣ вачанам̣ ва̄ пат̣иччха̄дети. бахиддха̄ катхам̣ апана̄метӣти ба̄хирато ан̃н̃ам̣ а̄гантукакатхам̣ ота̄рети. апанеййесоти апанеййо нӣхаритаббо еса. саман̣адӯсӣти саман̣адӯсако. саман̣апала̄поти вӣхӣсу вӣхипала̄по вийа нисса̄рата̄йа саман̣есу саман̣апала̄по. саман̣ака̄ран̣д̣авоти саман̣акачаваро. бахиддха̄ на̄сентӣти бахи нӣхаранти. йавакаран̣ети йавакхетте. пхун̣ама̄насса̄ти учче т̣ха̄не т̣хатва̄ маха̄ва̄те опунийама̄насса. апасаммаджджантӣти са̄радхан̃н̃а̄нам̣ екато дуббаладхан̃н̃а̄нам̣ екато каран̣аттхам̣ пунаппунам̣ апасаммаджджанти, апасаммаджджанисан̇кха̄тена ва̄тагга̄хина̄ суппена ва̄ ваттхена ва̄ нӣхаранти. даддаранти даддарасаддам̣.

сам̣ва̄са̄йанти сам̣ва̄сена айам̣. виджа̄на̄тха̄ти джа̄неййа̄тха. сантава̄чоти сан̣хава̄чо. джанаватӣти джанамаджджхе. рахо кароти каран̣анти каран̣ам̣ вуччати па̄пакаммам̣, там̣ рахо пат̣иччханно хутва̄ кароти. сам̣саппӣ ча муса̄ва̄дӣти сам̣саппитва̄ муса̄ва̄дӣ, муса̄ бхан̣анто сам̣саппати пхандатӣти аттхо. имасмим̣ сутте ват̣т̣амева катхетва̄ га̄тха̄су ват̣т̣авиват̣т̣ам̣ катхитанти.

метта̄вагго пат̣хамо.