12. на̄гитасуттаван̣н̣ана̄

42. два̄дасаме га̄мантавиха̄ринти га̄мантасена̄санава̄сим̣. сама̄хитам̣ нисиннанти тасмим̣ га̄мантасена̄сане сама̄дхим̣ аппетва̄ нисиннам̣. ида̄ниманти ида̄ни имам̣. сама̄дхимха̄ ча̄вессатӣти сама̄дхито ут̣т̣ха̄пессати. на аттамано хомӣти на сакамано хоми. пачала̄йама̄нанти нидда̄йама̄нам̣. екаттанти екасабха̄вам̣, екаггата̄бхӯтам̣ аран̃н̃асан̃н̃ам̣йева читте кариссатӣти аттхо. анураккхиссатӣти анугган̣хиссати. авимуттам̣ ва̄ читтам̣ вимочессатӣти ан̃н̃асмим̣ ка̄ле авимуттам̣ читтам̣ ида̄ни пан̃чахи вимуттӣхи вимочайиссати. рин̃чатӣти ваджджети виссаджджети. пат̣ипан̣а̄метва̄ти панудитва̄ виссаджджетва̄. учча̄рапасса̄вакамма̄йа̄ти учча̄рапасса̄вакаран̣аттха̄йа. имина̄ еттакена т̣ха̄нена саттха̄ра̄ аран̃н̃асена̄санасса ван̣н̣о катхито. суттасса пана пат̣хамакот̣т̣ха̄се йам̣ ваттаббам̣, там̣ хет̣т̣ха̄ вуттамева̄ти.

девата̄вагго чатуттхо.