7. пат̣хамасамайасуттаван̣н̣ана̄

27. саттаме манобха̄ванӣйасса̄ти еттха манам̣ бха̄вети вад̣д̣хетӣти манобха̄ванӣйо. дассана̄йа̄ти дассанаттхам̣. ниссаран̣анти ниггаманам̣ вӯпасаманам̣. дхаммам̣ десетӣти ка̄мара̄гаппаджаханаттха̄йа асубхакаммат̣т̣ха̄нам̣ катхети. дутийава̄ра̄дӣсу бйа̄па̄даппаха̄на̄йа метта̄каммат̣т̣ха̄нам̣, тхинамиддхаппаха̄на̄йа тхинамиддхавиноданакаммат̣т̣ха̄нам̣, а̄локасан̃н̃ам̣ ва̄ вӣрийа̄рамбхаваттхуа̄дӣнам̣ ва̄ ан̃н̃атарам̣, уддхаччакуккуччаппаха̄на̄йа саматхакаммат̣т̣ха̄нам̣, вичикиччха̄паха̄на̄йа тин̣н̣ам̣ ратана̄нам̣ гун̣акатхам̣ катхенто дхаммам̣ десетӣти ведитаббо. а̄гамма̄ти а̄раббха. манасикарототи а̄рамман̣авасена читте каронтасса. анантара̄ а̄сава̄нам̣ кхайо хотӣти анантара̄йена а̄сава̄нам̣ кхайо хоти.