8. дутийасамайасуттаван̣н̣ана̄

28. ат̣т̣хаме ман̣д̣алама̄л̣ети бходжанаса̄ла̄йа. ча̄риттакиламатхоти пин̣д̣апа̄тачарийа̄йа уппаннакиламатхо. бхаттакиламатхоти бхаттадаратхо. виха̄рапаччха̄йа̄йанти виха̄рапаччанте чха̄йа̄йа. йадевасса дива̄ сама̄дхинимиттам̣ манасикатам̣ хотӣти йам̣ ева тасса тато пуримадивасабха̄ге саматханимиттам̣ читте катам̣ хоти. тадевасса тасмим̣ самайе самуда̄чаратӣти там̣йева етасса тасмим̣ самайе дива̄виха̄ре нисиннасса манодва̄ре сан̃чарати. оджат̣т̣ха̄йӣти оджа̄йа т̣хито патит̣т̣хито. пха̄сукасса хотӣти пха̄сукам̣ асса хоти. саммукха̄ти катхентасса саммукхат̣т̣ха̄не. сутанти сотена сутам̣. пат̣иггахитанти читтена пат̣иггахитам̣.