6. ниродхасуттаван̣н̣ана̄

166. чхат̣т̣хе аттхетам̣ т̣ха̄нанти аттхи етам̣ ка̄ран̣ам̣. но че дит̣т̣хева дхамме ан̃н̃ам̣ а̄ра̄дхеййа̄ти но че имасмим̣йева аттабха̄ве арахаттам̣ па̄пун̣еййа. кабал̣ӣка̄ра̄ха̄рабхаккха̄нам̣ дева̄нанти ка̄ма̄вачарадева̄нам̣. ан̃н̃атарам̣ маномайам̣ ка̄йанти джха̄наманена ниббаттам̣ ан̃н̃атарам̣ суддха̄ва̄сабрахмака̄йам̣. уда̄йӣти ла̄л̣уда̄йӣ. со хи ‘‘маномайа’’нти сутва̄ ‘‘а̄руппе на бхавитабба’’нти пат̣иба̄хи. тхеро ‘‘са̄рипутто ким̣ джа̄на̄ти, йасса саммукха̄ евам̣ бхиккхӯ вачанам̣ пат̣иккосантӣ’’ти евам̣ ба̄ла̄нам̣ ладдхиуппаттипат̣иба̄ханаттхам̣ там̣ вачанам̣ анадхива̄сетва̄ йена бхагава̄ тенупасан̇ками.

аттхи на̄ма̄ти амарисанаттхе нипа̄то. тенева четтха ‘‘аджджхупеккхиссатха̄’’ти ана̄гатавачанам̣ катам̣. айан̃хеттхаттхо – а̄нанда, тумхе тхерам̣ бхиккхум̣ вихет̣хийама̄нам̣ аджджхупеккхатха, на во етам̣ марисайа̄ми на саха̄ми на̄дхива̄семӣти. касма̄ пана бхагава̄ а̄нандатхерам̣йева евама̄ха̄ти? дхаммабхан̣д̣а̄га̄рикатта̄. дхаммабхан̣д̣а̄га̄рикасса хи евам̣ ваданто пат̣иба̄хитум̣ бха̄ро. апичеса са̄рипуттаттхерасса пийасаха̄йо, тена̄писса еса бха̄ро. таттха кин̃ча̄пи бхагава̄ а̄нандаттхерам̣ гараханто евама̄ха, на панеса̄ тассева гараха̄, саммукхӣбхӯта̄нам̣ саббесам̣йева гараха̄ти ведитабба̄. виха̄ранти гандхакут̣им̣.

аначчхарийанти на аччхарийам̣. йатха̄ти ка̄ран̣авачанам̣. а̄йасмантам̣йеветтха упава̄нам̣ пат̣ибха̄сеййа̄ти еттха бхагавата̄ ча евам̣ етадева ка̄ран̣ам̣ а̄раббха уда̄хат̣е а̄йасматойева упава̄насса пат̣ивачанам̣ пат̣ибха̄ту упат̣т̣ха̄тӯти дӣпети. са̄раджджам̣ оккантанти доманассам̣ анупавит̣т̣хам̣. сӣлава̄тиа̄дӣхи кхӣн̣а̄савасӣла̄дӣнийева катхита̄ни. кхан̣д̣иччена̄тиа̄дӣни сакка̄ра̄дӣнам̣ ка̄ран̣апуччха̄васена вутта̄ни. ким̣ кхан̣д̣ичча̄дӣхи ка̄ран̣ехи там̣ там̣ сабрахмача̄рим̣ саккареййунти айан̃хеттха адхиппа̄йо.