9. татийаана̄гатабхайасуттаван̣н̣ана̄

79. наваме дхаммасандоса̄ винайасандосоти дхаммасандосена винайасандосо хоти. катхам̣ пана дхаммасмим̣ дуссанте винайо дуссати на̄ма? саматхавипассана̄дхаммесу габбхам̣ агган̣хантесу пан̃чавидхо винайо на хоти, евам̣ дхамме дуссанте винайо дуссати. дуссӣласса пана сам̣варавинайо на̄ма на хоти, тасмим̣ асати саматхавипассана̄ габбхам̣ на ган̣ха̄ти. евам̣ винайасандосенапи дхаммасандосо ведитаббо. абхидхаммакатханти сӣла̄диуттамадхаммакатхам̣. ведаллакатханти ведапат̣исам̣йуттам̣ н̃а̄н̣амиссакакатхам̣. кан̣хадхаммам̣ оккамама̄на̄ти рандхагавесита̄йа упа̄рамбхапарийесанавасена ка̄л̣акадхаммам̣ оккамама̄на̄. апича дут̣т̣хачиттена пуггалам̣ гхат̣т̣ента̄пи там̣ кан̣хадхаммам̣ аттано даханта̄пи ла̄бхасакка̄раттхам̣ катхента̄пи кан̣хадхаммам̣ оккамантийева.

гамбхӣра̄ти па̄л̣игамбхӣра̄. гамбхӣраттха̄ти аттхагамбхӣра̄. локуттара̄ти локуттарадхаммадӣпака̄. сун̃н̃ата̄пат̣исам̣йутта̄ти кхандхадха̄туа̄йатанапаччайа̄ка̄рапат̣исам̣йутта̄. на ан̃н̃а̄ читтам̣ упат̣т̣хапессантӣти джа̄нанаттха̄йа читтам̣ на т̣хапессанти. уггахетаббам̣ парийа̄пун̣итаббанти уггахетаббе ча вал̣ан̃джетаббе ча. кавита̄ти силока̄дибандханавасена кавӣхи ката̄. ка̄веййа̄ти тассева вевачанам̣. ба̄хирака̄ти са̄санато бахиддха̄ т̣хита̄. са̄вакабха̄сита̄ти ба̄хираса̄вакехи бха̄сита̄. сесаметтха хет̣т̣ха̄ вуттанайатта̄ сувин̃н̃еййатта̄ ча утта̄наттхамева.