10. чатуттхаана̄гатабхайасуттаван̣н̣ана̄

80. дасаме калйа̄н̣ака̄ма̄ти сундарака̄ма̄. расагга̄нӣти уттамараса̄ни. сам̣сат̣т̣ха̄ вихариссантӣти пан̃чавидхена сам̣саггена сам̣сат̣т̣ха̄ вихариссанти. саннидхика̄рапарибхоганти саннидхикатасса парибхогам̣. ол̣а̄рикампи нимиттанти еттха патхавим̣ кхан̣антопи кхан̣а̄хӣти а̄н̣а̄пентопи патхавийам̣ ол̣а̄рикам̣ нимиттам̣ кароти на̄ма. тин̣акат̣т̣хаса̄кха̄пала̄сам̣ чхиндантопи чхинда̄ти а̄н̣а̄пентопи харитагге ол̣а̄рикам̣ нимиттам̣ кароти на̄ма. а̄джӣваттха̄йа пан̣н̣анива̄паа̄дӣни га̄ха̄пенто пхала̄ни очинанте ва̄ очина̄пентена ваттаббамева наттхи. имесу чатӯсу суттесу саттха̄ра̄ са̄сане вуддхипариха̄ни катхита̄ти.

йодха̄джӣвавагго татийо.