4. абхайасуттаван̣н̣ана̄

184. чатуттхе киччха̄джӣвитака̄ран̣ат̣т̣хена рогова рога̄тан̇ко на̄ма. пхут̣т̣хасса̄ти тена рога̄тан̇кена саманна̄гатасса. уратта̄л̣им̣ кандатӣти урам̣ та̄л̣етва̄ родати. акатакалйа̄н̣отиа̄дӣсу калйа̄н̣ам̣ вуччати пун̃н̃акаммам̣, там̣ акатам̣ етена̄ти акатакалйа̄н̣о. сесападесупи есева найо. пун̃н̃акаммамева хи косалласамбхӯтатта̄ кусалам̣, бхӣтасса паритта̄йакатта̄ бхӣрутта̄н̣анти вуччати. катапа̄потиа̄дӣсу па̄пам̣ вуччати ла̄макам̣ акусалакаммам̣. лудданти каккхал̣акаммам̣. киббисанти самалам̣ апарисуддхакаммам̣. кан̇кхӣ хотӣти буддхадхаммасан̇гхагун̣есу чева сиккха̄йа ча пуббанте ча апаранте ча пуббанта̄паранте ча пат̣иччасамуппа̄де ча̄ти ат̣т̣хасу т̣ха̄несу кан̇кха̄йа саманна̄гато хоти. вичикиччхӣти вичикиччха̄йа саманна̄гато са̄санасаддхамме на нит̣т̣хам̣ гато, уггахапарипуччха̄васена нит̣т̣хам̣ гантум̣ на саккоти. имина̄ найена саббаттха аттхо ведитаббо.