7. сувидӯрасуттаван̣н̣ана̄

47. саттаме сувидӯравидӯра̄нӣти кеначи парийа̄йена ана̄санна̄ни хутва̄ сувидӯра̄нева видӯра̄ни. набхан̃ча, бхиккхаве, патхавӣ ча̄ти а̄ка̄сан̃ча маха̄патхавӣ ча. таттха кин̃ча̄пи патхавито а̄ка̄сам̣ на̄ма на дӯре, дван̇гуламаттепи хоти. ан̃н̃аман̃н̃ам̣ алагганат̣т̣хена пана ‘‘сувидӯравидӯре’’ти вуттам̣. верочаноти сӯрийо. сатан̃ча, бхиккхаве, дхаммоти чатусатипат̣т̣ха̄на̄дибхедо саттатим̣сабодхипаккхийадхаммо. асатан̃ча дхаммоти два̄сат̣т̣хидит̣т̣хигатабхедо ассаддхаммо.

пабхан̇кароти а̄локакаро. абйа̄йико хотӣти авигаччханасабха̄во хоти. сатам̣ сама̄гамоти пан̣д̣ита̄нам̣ миттасантхававасена сама̄гамо. йа̄ва̄пи тит̣т̣хеййа̄ти йаттакам̣ аддха̄нам̣ тит̣т̣хеййа. татхева хотӣти та̄дисова хоти, пакатим̣ на джахати. кхиппам̣ хи ветӣти сӣгхам̣ вигаччхати.