8. виса̄кхасуттаван̣н̣ана̄

48. ат̣т̣хаме пан̃ча̄лапуттоти пан̃ча̄лабра̄хман̣ийа̄ путто. порийа̄ ва̄ча̄йа̄ти парипун̣н̣ава̄ча̄йа. виссат̣т̣ха̄йа̄ти апалибуддха̄йа. анелагала̄йа̄ти ниддоса̄йа чева агал̣ита̄йа ча апатитападабйан̃джана̄йа. парийа̄панна̄йа̄ти виват̣т̣апарийа̄панна̄йа. аниссита̄йа̄ти ват̣т̣ам̣ аниссита̄йа. виват̣т̣анисситамева катва̄ катхети, ват̣т̣анисситам̣ катва̄ на катхетӣти айаметтха адхиппа̄йо.

на̄бха̄сама̄нанти на акатхентам̣. аматам̣ паданти нибба̄нападам̣. бха̄сайети обха̄сеййа. джотайети тассева вевачанам̣. пагган̣хе исинам̣ дхаджанти аббхуггатат̣т̣хена навалокуттарадхаммо исӣнам̣ дхаджо на̄ма вуччати, тамева пагган̣хеййа уккхипеййа, уччам̣ катва̄ катхеййа̄ти аттхо. навалокуттарадхаммадӣпакам̣ субха̄ситам̣ дхаджо етесанти субха̄ситадхаджа̄. исайоти буддха̄дайо арийа̄. дхаммо хи исинам̣ дхаджоти хет̣т̣ха̄ вуттанайенева локуттарадхаммо исӣнам̣ дхаджо на̄ма̄ти.