10. упаккилесасуттаван̣н̣ана̄

50. дасаме упаккилеса̄ти вирочитум̣ адатва̄ упаккилит̣т̣хабха̄вакаран̣ена упаккилеса̄. махика̄ти химам̣. дхӯмо раджоти дхӯмо ча раджо ча. ра̄хӯти пурима̄ тайо асампаттаупаккилеса̄, ра̄ху пана сампаттаупаккилесавасена катхитоти ведитаббо. саман̣абра̄хман̣а̄ на тапанти на бха̄санти на вирочантӣти гун̣аппата̄пена на тапанти, гун̣обха̄сена на бха̄санти, гун̣авирочанена на вирочанти. сура̄мерайапа̄на̄ аппат̣ивирата̄ти пан̃чавидха̄йа сура̄йа чатуббидхасса мерайасса ча па̄нато авирата̄.

авиджджа̄нивута̄ти авиджджа̄йа нива̄рита̄ пихита̄. пийарӯпа̄бхинандиноти пийарӯпам̣ са̄тарӯпам̣ абхинандама̄на̄ туссама̄на̄. са̄дийантӣти ган̣ханти. авиддасӯти андхаба̄ла̄. санеттика̄ти тан̣ха̄йоттенева сайотта̄. кат̣асинти аттабха̄вам̣. гхоранти каккхал̣ам̣. имасмим̣ суттепи га̄тха̄супи ват̣т̣амева катхитанти.

рохитассавагго пан̃чамо.