10. уда̄йисуттаван̣н̣ана̄

40. дасаме абхисан̇кхатанти ра̄сикатам̣. нира̄рамбханти па̄н̣асама̄рамбхарахитам̣. йан̃н̃анти деййадхаммам̣. тан̃хи йаджитаббатта̄ йан̃н̃анти вуччати. ка̄лена̄ти йуттаппаттака̄лена. упасам̣йантӣти упагаччханти. кулам̣ гатинти ват̣т̣акулан̃чева ват̣т̣агатин̃ча атикканта̄. йан̃н̃асса ковида̄ти чатубхӯмакайан̃н̃е кусала̄. йан̃н̃ети пакатида̄не. саддхети матакада̄не. хабйам̣ катва̄ти хунитаббам̣ деййадхаммам̣ упакаппетва̄. сукхетте брахмача̄рисӯти брахмача̄рисан̇кха̄те сукхеттамхӣти аттхо. суппаттанти сут̣т̣ху паттам̣. даккхин̣еййесу йам̣ катанти йам̣ даккхин̣а̄йа ануччхавикесу упакаппитам̣, там̣ сухутам̣ суйит̣т̣хам̣ суппаттанти аттхо. саддхоти буддхадхаммасан̇гхагун̣а̄нам̣ саддаханата̄йа саддхо. муттена четаса̄ти виссат̣т̣хена читтена. имина̄сса муттача̄гам̣ дӣпетӣти.

чаккавагго чатуттхо.