10. маласуттаван̣н̣ана̄

10. дасаме дуссӣлабха̄во дуссӣлйам̣, дуссӣлйамева малам̣ дуссӣлйамалам̣. кенат̣т̣хена маланти? анудаханат̣т̣хена дуггандхат̣т̣хена килит̣т̣хакаран̣ат̣т̣хена ча. тан̃хи нирайа̄дӣсу апа̄йесу анудахатӣти анудаханат̣т̣хенапи малам̣. тена саманна̄гато пуггало ма̄та̄питӯнампи сантике бхиккхусан̇гхасса̄пи антаре бодхичетийат̣т̣ха̄несупи джигуччханӣйо хоти, саббадиса̄су часса ‘‘еварӯпам̣ кира тена па̄пакаммам̣ ката’’нти аван̣н̣агандхо ва̄йатӣти дуггандхат̣т̣хенапи малам̣. тена ча саманна̄гато пуггало гатагатат̣т̣ха̄не упата̄пан̃чева лабхати, ка̄йакамма̄дӣни часса асучӣни хонти апабхассара̄нӣти килит̣т̣хакаран̣ат̣т̣хенапи малам̣. апича там̣ девамануссасампаттийо чева нибба̄насампаттин̃ча мила̄петӣти мила̄панат̣т̣хенапи маланти ведитаббам̣. исса̄маламаччхерамалесупи есева найо.

ба̄лавагго пат̣хамо.