12. йатха̄сантхатикан̇гакатха̄ван̣н̣ана̄

35. сена̄санага̄хан̣е паре ут̣т̣ха̄петва̄ гахан̣ам̣, ‘‘идам̣ сундарам̣, идам̣ на сундара’’нти паритулайитва̄ пуччхана̄, олокана̄ ча сена̄саналолуппам̣. тут̣т̣хаббанти тусситаббам̣. виха̄расса парийантабха̄вена дӯрети ва̄ бахӯнам̣ саннипа̄тат̣т̣ха̄на̄дӣнам̣ ачча̄саннети ва̄ пуччхитум̣ на лабхати, пуччханенаписса дхутан̇гасса сам̣килиссанато. олокетунти лолуппавасена пасситум̣. сачасса там̣ на руччатӣти асса йатха̄сантхатикасса там̣ йатха̄га̄хитам̣ сена̄санам̣ апха̄сукабха̄вена саче на руччати, мудукасса асати роге йатха̄га̄хитам̣ паха̄йа ан̃н̃асса сена̄санасса гахан̣ам̣ лолуппам̣, маджджхимасса гантва̄ олокана̄, уккат̣т̣хасса пуччхана̄. саббесампи ут̣т̣ха̄петва̄ гахан̣е ваттаббамева наттхи.

упат̣т̣ха̄панӣйа̄нампи анут̣т̣ха̄панена сабрахмача̄рӣнам̣ хитесита̄. та̄йа карун̣а̄виха̄ра̄нугун̣ата̄. сундара̄сундаравибха̄га̄каран̣ато хӣнапан̣ӣтавикаппапаричча̄го. тена та̄дилаккхан̣а̄нугун̣ата̄. тато ева ануродхавиродхаппаха̄нам̣. два̄рапидаханам̣ ока̄са̄да̄нато. йатха̄сантхатара̄матанти йатха̄га̄хите йатха̄ниддит̣т̣хе сена̄сане абхиратабха̄вам̣.

ити йатха̄сантхатикан̇гакатха̄ван̣н̣ана̄.