12. ан̃н̃атарамануссасса ваттхумхи айама̄нупуббӣкатха̄

амха̄кам̣ бхагавати париниббуте па̄т̣алипуттасамӣпе ан̃н̃атарасмим̣ га̄ме ан̃н̃атаро дуггатамануссо васати, со панекадивасам̣ ан̃н̃атарам̣ га̄мам̣ гаччханто две са̄т̣аке нива̄сетва̄ махантам̣ ат̣авим̣па̄пун̣и, тадевам̣ гаччхантам̣ дисва̄ етасса ваттхам̣ ган̣хисса̄мӣти еко чоро анубандхи, со дӯратова а̄гаччхантам̣ чорам̣ дисва̄ чинтеси, ахаметасма̄ пала̄йитум̣ ва̄ тена саддхим̣йуджджхитум̣ ва̄ на саккоми, айама̄гантва̄ авассам̣ аниччхантасса̄пи ме ваттхам̣ ган̣хиссати. майа̄писса нираттхакена харитум̣ на сакка̄, да̄навасенасса дасса̄мӣти саннит̣т̣ха̄на мака̄си, атха чоро а̄гантва̄ ваттхакам̣ пара̄маси, атха со пурисо читтам̣ паса̄детва̄ имам̣ мама ваттхада̄нам̣ бхавабхогасукхаттха̄йа паччайо хотӯти ваттхам̣ датва̄ дуччха̄дитатта̄ маха̄маггам̣ паха̄йа ан̃н̃ена джан̇гха̄маггена гаччханто а̄сивисена дат̣т̣хо ка̄лам̣ катва̄ химавантаппадесе два̄дасайоджанике канакавима̄не некаччхара̄сахассапаривуто ниббатти. вима̄нам̣ панасса парива̄ретва̄ тийоджанике т̣ха̄не каппаруккха̄ ниббаттим̣су, со махантам̣ диббасампаттим̣ дисва̄ соманассам̣ паведенто а̄ха.

1. парин̣а̄митаматтена, да̄насса сакасантакам̣;

дада̄ти випулам̣ бхогам̣, диббамиссарийам̣ варам̣.

2. два̄дасайоджануббедхам̣, дуддиккхам̣ чаккхумӯсанам̣;

кӯт̣а̄ га̄раварупетам̣, саббасован̣н̣айам̣ субхам̣.

3. мама пун̃н̃ена ниббаттам̣, некара̄гаддхаджа̄кулам̣,

татхева парисуддхехи, вита̄нехи ча лан̇катам̣.

4. па̄са̄дапарийантамхи, диббаваттха̄ни ламбаре;

ва̄терита̄ те собханти, авхента̄ва судха̄сино.

5. па̄са̄дасса саманта̄ ме, бхӯмибха̄ге тийоджане;

иччхитиччхитада̄та̄ро, джа̄та̄сум̣ сурапа̄дапа̄.

6. таттха наччехи гӣтехи, ва̄дехи турийехи ча;

не каччхара̄сахассехи, мода̄ми бхаване мама.

7. на самма̄ диннаваттхасса, аккхетте пхаламӣ дисам̣;

кхетте самма̄ дадантасса, ко пхалам̣ ван̣н̣айиссатӣти.

8. евам̣ видхампи кусалам̣ мануджо каритва̄,

паппоти диббавибхавам̣ муниван̣н̣анӣйам̣;

мантва̄на бхо дадатха да̄наварам̣ сусӣле,

саддха̄йа суддхаманаса̄сса висесабха̄гӣти.

ан̃н̃атарамануссасса ваттхум̣ дутийам̣.