локака̄магун̣авагга

ра̄хулова̄дасутта

пуччха̄ – локака̄магун̣авагге а̄вусо ат̣т̣хамам̣ ра̄хулова̄дасуттам̣ бхагавата̄ каттха кам̣ а̄раббха катхан̃ча бха̄ситам̣.

виссаджджана̄ – са̄ваттхийам̣йева бханте а̄йасмантам̣ ра̄хулам̣ а̄раббха ‘‘там̣ ким̣ ман̃н̃аси ра̄хула, чаккху ниччам̣ ва̄ аниччам̣ ва̄ти. аниччам̣ бханте. йам̣ пана̄ниччам̣, дуккхам̣ ва̄ там̣ сукхам̣ва̄ти. дуккхам̣ бханте. йам̣ пана̄ниччам̣ дуккхам̣ випарин̣а̄мадхаммам̣ каллам̣ ну там̣ саманупасситум̣ ‘етам̣ мама, есохамасми, есо ме атта̄’ти. но хетам̣ бханте’’ти евама̄дина̄ бханте бхагавата̄ бха̄ситам̣.

йам̣нӯна̄хам̣ ра̄хулам̣ уттарим̣ а̄сава̄нам̣ кхайе винеййам̣.

ган̣ха̄хи ра̄хула нисӣданам̣.