намо тасса бхагавато арахато самма̄самбуддхасса

суттантапит̣ака

сам̣йуттаника̄йе

сага̄тха̄ваггапа̄л̣и

сам̣га̄йанасса пуччха̄ виссаджджана̄

пуччха̄ – пат̣хамамаха̄сам̣гӣтика̄ле а̄вусо дхаммасам̣га̄хака̄ маха̄кассапа̄дайо маха̄тхеравара̄ пора̄н̣асам̣гӣтика̄ра̄ пат̣хамам̣ винайапит̣акам̣ сам̣га̄йитва̄ таданантарам̣ суттантапит̣акам̣ сам̣га̄йанта̄ дӣгханика̄йан̃ча маджджхиманика̄йан̃ча сам̣га̄йитва̄ таданантарам̣ ким̣на̄ма па̄вачанам̣ сам̣га̄йим̣су.

виссаджджана̄ – пат̣хамамаха̄сам̣гӣтика̄ле бханте дхаммасам̣га̄хака̄ маха̄кассапа̄дайо пора̄н̣атхеравара̄ пат̣хамам̣ винайапит̣акам̣ сам̣га̄йитва̄ таданантарам̣ суттантапит̣акам̣ сам̣га̄йанта̄ дӣгханика̄йан̃ча маджджхиманика̄йан̃ча сам̣га̄йитва̄ таданантарам̣ саттахи ча суттасахассехи саттахи ча суттасатехи два̄сат̣т̣хийа̄ ча суттехи пат̣иман̣д̣итам̣ бха̄н̣ава̄расатапарима̄н̣ам̣ сам̣йуттаника̄йам̣ на̄ма па̄вачанам̣ сам̣га̄йим̣су.

пуччха̄ – сам̣йуттаника̄йе ча а̄вусо сага̄тха̄вагго нида̄навагго кхандхавагго сал̣а̄йатанавагго маха̄вагготи пан̃часам̣йуттаппакаран̣а̄ни, тесу пат̣хамам̣ катарам̣ сам̣йуттаппакаран̣ам̣ те сам̣га̄йим̣су.

виссаджджана̄ – пан̃часу бханте сам̣йуттаппакаран̣есу пат̣хамам̣ сага̄тха̄ваггасам̣йуттаппакаран̣ам̣ сам̣га̄йим̣су.

пуччха̄ – сага̄тха̄ваггепи а̄вусо девата̄сам̣йутта̄дивасена ека̄дасасам̣йутта̄ни, тесу пат̣хамам̣ катарам̣ сам̣йуттам̣ те сам̣га̄йим̣су.

виссаджджана̄ – ека̄дасасу бханте сам̣йуттесу пат̣хамам̣ девата̄сам̣йуттам̣ сам̣га̄йим̣су.

пуччха̄ – девата̄сам̣йуттепи а̄вусо нал̣авагга̄дайо ат̣т̣ха вагга̄, огхатаран̣асутта̄дӣни ча ека̄сӣти сутта̄ни, тесу пат̣хамам̣ катарам̣ ваггам̣ катаран̃ча суттам̣ сага̄йим̣су.

виссаджджана̄ – ат̣т̣хасу бханте ваггесу пат̣хамам̣ нал̣аваггам̣ ека̄сӣтийа̄ ча суттесу пат̣хамам̣ огхатаран̣асуттам̣ сам̣га̄йим̣су.

са̄дху са̄дху а̄вусо, майампи да̄ни татойева пат̣т̣ха̄йа сам̣гӣтипуббан̇гама̄ни пуччханависсаджджанакичча̄ни а̄вахитум̣ сама̄рабха̄ра.

девата̄сам̣йутта

огхатаран̣асутта

пуччха̄ – тена̄вусо бхагавата̄ джа̄ната̄ пассата̄ арахата̄ самма̄самбуддхена огхатаран̣асуттам̣ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – са̄ваттхийам̣ бханте ан̃н̃атарам̣ деватам̣ а̄раббха бха̄ситам̣, ан̃н̃атара̄ бханте девата̄ абхикканта̄йа раттийа̄ абхиккантаван̣н̣а̄ кевалакаппам̣ джетаванам̣ обха̄сетва̄ йена бхагава̄ тенупасан̇ками, упасан̇камитва̄ бхагавантам̣ абхива̄детва̄ екамантам̣ ат̣т̣ха̄си, екамантам̣ т̣хита̄ кхо са̄ девата̄ бхагавантам̣ етадавоча ‘‘катхам̣ ну твам̣ ма̄риса огхаматарӣ’’ти,

тасмим̣ бханте ваттхусмим̣ ‘‘апатит̣т̣хам̣ кхва̄хам̣ а̄вусо ана̄йӯхам̣ огхаматарим̣’’ти, евам̣ кхо бханте бхагавата̄ бха̄ситам̣.

аччентисутта

пуччха̄ – аччентисуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – са̄ваттхийам̣ бханте ан̃н̃атарам̣ деватам̣ а̄раббха бха̄ситам̣. ан̃н̃атара̄ бханте девата̄ бхагавантам̣ етадавоча–

‘‘ачченти ка̄ла̄ тарайанти раттийо,

вайогун̣а̄ анупуббам̣ джаханти,

етам̣ бхайам̣ маран̣е пеккхама̄но,

пун̃н̃а̄ни кайира̄тха сукха̄ваха̄нӣ’’ти–

тасмим̣ бханте ваттхусмим̣ –

‘‘ачченти ка̄ла̄ тарайанти раттийо,

вайогун̣а̄ анупуббам̣ джаханти,

етам̣ бхайам̣ маран̣е пеккхама̄но,

лока̄мисам̣ паджахе сантипеккхо’’ти –

евам̣ кхо бханте бхагавата̄ бха̄ситам̣.

саттисутта

пуччха̄ – саттисуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – са̄ваттхийам̣ бханте ан̃н̃атарам̣ деватам̣ а̄раббха бха̄ситам̣, ан̃н̃атара̄ бханте девата̄ бхагавантам̣ етадавоча–

‘‘саттийа̄ вийа омат̣т̣хо, д̣айхама̄нова маттхаке;

ка̄мара̄гаппаха̄на̄йа, сато бхиккху париббадже’’ти–

тасмим̣ бханте ваттхусмим̣–

саттийа̄ вийа омат̣т̣хо д̣айхама̄нова маттхаке;

сакка̄йадит̣т̣хиппаха̄на̄йа, сато бхиккху париббаджети;

евам̣ кхо бханте бхагавата̄ бха̄ситам̣.

саттийа̄ вийа омат̣т̣хо, д̣айхама̄нова маттхаке;

ка̄мара̄гаппаха̄на̄йа, сато бхиккху париббадже –

саттийа̄ вийа омат̣т̣хо, д̣айхама̄нова маттхаке,

сакка̄йадит̣т̣хиппама̄на̄йа, сато бхиккху париббадже –

джат̣а̄сутта

пуччха̄ – джат̣а̄суттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – са̄ваттхийам̣ бханте ан̃н̃атарам̣ деватам̣ а̄раббха бха̄ситам̣, ан̃н̃атара̄ бханте девата̄ бхавагантам̣ етадавоча–

‘‘анто джат̣а̄ бахиджат̣а̄, джат̣а̄йа джат̣ита̄ паджа̄;

там̣ там̣ готама пуччха̄ми, ко имам̣ виджат̣айе джат̣а’’нти–

тасмим̣ бханте ваттхусмим̣ –

сӣле патит̣т̣ха̄йа наро сапан̃н̃о, читтам̣ пан̃н̃ан̃ча бха̄вайам̣;

а̄та̄пӣ нипако бхиккху, со имам̣ виджат̣айе джат̣ам̣.

йесам̣ ра̄го ча досо ча, авиджджа̄ ча вира̄джита̄;

кхӣн̣а̄сава̄ араханто, тесам̣ виджат̣ита̄ джат̣а̄ти;

евама̄дина̄ бханте бхагавата̄ бха̄ситам̣.

сӣле патит̣т̣ха̄йа наро сапан̃н̃о, читтам̣ пан̃н̃ан̃ча бха̄вайам̣;

а̄та̄пӣ нипако бхиккху, со имам̣ виджат̣айе джат̣ам̣–

йесам̣ ра̄го ча досо ча, авиджджа̄ ча вира̄джита̄;

кхӣн̣а̄сава̄ араханто, тесам̣ виджат̣ита̄ джат̣а̄–

йаттха на̄ман̃ча рӯпан̃ча, асесам̣ упаруджджхати;

пат̣игхам̣ рӯпасан̃н̃а̄ ча, еттхеса̄ чхиджджате джат̣а̄.

аччхара̄сутта

пуччха̄ – аччхара̄суттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – са̄ваттхийам̣ бханте ан̃н̃атарам̣ девапуттам̣ а̄раббха бха̄ситам̣. ан̃н̃атаро бханте девапутто бхагавантам̣ етадавоча–

‘‘аччхара̄ган̣асан̇гхат̣т̣хам̣, писа̄ча ган̣асевитам̣;

ванантам̣ моханам̣ на̄ма, катхам̣ йа̄тра̄ бхависсатӣ’’ти.

тасмим̣ бханте ваттхусмим̣–

‘‘уджуко на̄ма со магго, абхайа̄ на̄ма са̄ диса̄,

ратхо акӯджано на̄ма, дхаммачаккехи сам̣йуто.

хирӣ тасса апа̄ламбо, сатйасса парива̄ран̣ам̣;

дхамма̄хам̣ са̄ратхим̣ брӯми, самма̄дит̣т̣хи пуреджавам̣.

йасса ета̄дисам̣ йа̄нам̣, иттхийа̄ пурисасса ва̄;

са ве етена йа̄нена, нибба̄нассева сантике’’ти.

евам̣ кхо бханте бхагавата̄ бха̄ситам̣.

аччхара̄ган̣асан̇гхут̣т̣хам̣, писа̄чаган̣асевитам̣;

ванантам̣ моханам̣ на̄ма, катхам̣ йа̄тра̄ бхависсати–

джара̄сутта

пуччха̄ – джара̄суттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

‘‘ким̣ су йа̄ва джара̄ са̄дху, ким̣ су са̄дху патит̣т̣хитам̣;

ким̣ су нара̄нам̣ ратанам̣, ким̣ су чорехи дӯхара’’нти.

тасмим̣ бханте ваттхусмим̣–

‘‘сӣлам̣ йа̄ва джара̄ са̄дху, саддха̄ са̄дху патит̣т̣хита̄;

пан̃н̃а̄ нара̄нам̣ ратанам̣, пун̃н̃ам̣ чорехи дӯхара’’нти.

евам̣ кхо бханте бхагавата̄ бха̄ситам̣.

ким̣ су йа̄ва джара̄ са̄дху.

ким̣ су са̄дху патит̣т̣хитам̣.

ким̣ су нара̄нам̣ ратанам̣.

ким̣ су чорехи дӯхарам̣.

девапуттасам̣йутта

субрахмасутта

пуччха̄ – тена̄вусо бхагавата̄ джа̄ната̄ пассата̄ арахата̄ самма̄самбуддхена субрахмасуттам̣ каттха кам̣ а̄раббха кисмим̣ ваттхусмим̣ катан̃ча бха̄ситам̣. кӣдисо ча таттха дхаммапат̣игга̄хакасса дхаммассавана̄нисам̣со адхигато.

виссаджджана̄ – ра̄джагахе бханте субрахмадевапуттам̣ а̄раббха бха̄ситам̣. субрахма̄ бханте девапутто маран̣абхайабхӣто бхагавантам̣ упасан̇камитва̄ етадавоча–

‘‘ниччам̣ утрастамидам̣ читтам̣, ниччам̣ уббиггамидам̣ мано;

ануппаннесу киччхесу, атхо уппатитесу ча;

саче аттхи анутрастам̣, там̣ ме аккха̄хи пуччхито’’ти–

тасмим̣ бханте ваттхусмим̣.

‘‘на̄н̃н̃атра боджджа̄ тапаса̄, на̄н̃н̃атриндрийасам̣вара̄;

на̄н̃н̃атра саббаниссагга̄, соттхим̣ пасса̄ми па̄н̣ина’’нти.

евам̣ кхо бханте бхагавата̄ бха̄ситам̣. десана̄парийоса̄не ча бханте субрахмасса девапуттасса тасмим̣йева а̄сане вираджам̣ вӣтамалам̣ дхаммачаккхум̣ удапа̄ди, ‘‘йам̣кин̃чи самудайадхаммам̣, саббам̣ там̣ ниродхадхамма’’нти.

ниччам̣ утрастамидам̣ читтам̣, ниччам̣ уббиггамидам̣ мано;

ануппаннесу киччхесу, атхо уппатитесу ча;

саче аттхи анутраста, там̣ ме аккха̄хи пуччхито-ху–

на̄н̃н̃атра боджджа̄ тапаса̄, на̄н̃н̃атриндрийасам̣вара̄;

на̄н̃н̃атра саббаниссагга̄, соттхим̣ пасса̄ми па̄н̣инам̣–

рохитассасутта

пуччха̄ – рохитассасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – са̄ваттхийам̣ бханте рохитассам̣ девапуттам̣ а̄раббха бха̄ситам̣. рохитассо бханте девапутто бхагавантам̣ етадавоча ‘‘йаттха ну кхо бханте на джа̄йати на джӣйати на мӣйати на чавати на упападжджати, сакка̄ ну кхо со бханте гаманена локасса анто н̃а̄тум̣ ва̄ дат̣т̣хум̣ ва̄ па̄пун̣итум̣ ва̄’’ти. тасмим̣ бханте ваттхусмим̣ ‘‘йаттха кхо а̄вусо на джа̄йати на джӣйати на мӣйати на чавати на упападжджати, на̄хам̣ там̣ гаманена локасса антам̣ н̃а̄теййам̣ ат̣т̣хеййам̣ паттеййанти вада̄мӣ’’ти евама̄дина̄ бханте бхагавата̄ бха̄ситам̣.

косаласам̣йутта

дахарасутта

пуччха̄ – дахарасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – са̄ваттхийам̣ бханте ра̄джа̄нам̣ пасенадим̣ косалам̣ а̄раббха бха̄ситам̣. ра̄джа̄ бханте пасенади косало йена бхагава̄ тенупасан̇ками, упасан̇камитва̄ бхагавата̄ саддхим̣ саммоди, екамантам̣ нисинно кхо бханте ра̄джа̄ пасенади косало бхагавантам̣ етадавоча ‘‘бхавампи но готамо ‘ануттарам̣ самма̄самбодхим̣ абхисамбуддхо’ти пат̣иджа̄на̄тӣ’’ти. тасмим̣ бханте ваттхусмим̣ ‘‘йан̃хи там̣ маха̄ра̄джа самма̄ вадама̄новадеййа ‘ануттарам̣ самма̄самбодхим̣ абхисамбуддхо’ти, мамева там̣ самма̄ вадама̄но вадеййа̄’’ти евама̄дина̄ бханте бхагавата̄ бха̄ситам̣.

тасма̄ хи пан̣д̣ито посо, сампассам̣ аттхаматтано;

бхуджан̇гамам̣ па̄вакан̃ча, кхаттийан̃ча йасассинам̣;

бхиккхун̃ча сӣласампаннам̣, саммадева сама̄чаре–

аттараккхитасутта

пуччха̄ – аттараккхитасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – са̄ваттхийам̣ бханте ра̄джа̄нам̣йева пасенадим̣ косалам̣ а̄раббха бха̄ситам̣. ра̄джа̄ бханте пасенади косало бхагавантам̣ упасан̇камитва̄ ‘‘идха майхам̣ бханте рахогатасса пат̣исаллӣнасса евам̣ четасо паривитакко удапа̄дӣ’’ти евама̄дикам̣ вачанам̣ авоча. бхагава̄ ча бханте еваметам̣ маха̄ра̄джа еваметам̣ маха̄ра̄джа̄ти евама̄дина̄ вибхаджитва̄ бха̄ситам̣.

ка̄йена сам̣варо са̄дху, са̄дху ва̄ча̄йа сам̣варо;

манаса̄ сам̣варо са̄дху, са̄дху, саббаттха сам̣варо;

саббаттха сам̣вуто ладжджӣ, раккхитоти павуччати.

аппакасутта

пуччха̄ – аппакасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – са̄ваттхийам̣ бханте ра̄джа̄нам̣йева пасенадим̣ косалам̣ а̄раббха бха̄ситам̣. ра̄джа̄ бханте пасенади косало бхагавантам̣ упасан̇камитва̄ ‘‘идха майхам̣ бханте рахогатасса пат̣исаллӣнасса евам̣ четасо паривитакко удапа̄ди аппака̄ те сатта̄ локасмим̣, йе ул̣а̄ре ул̣а̄ре бхоге лабхитва̄ на чева маджджанти на ча памаджджанти, на ча ка̄месу гедхам̣ а̄паджджантӣ’’ти евама̄дикам̣ вачанам̣ авоча. бхагава̄ ча бханте ‘‘еваметам̣ маха̄ра̄джа еваметам̣ маха̄ра̄джа̄’’ти евама̄дина̄ аппакасуттам̣ бха̄ситам̣.

маллика̄сутта

пуччха̄ – маллика̄суттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – са̄ваттхийам̣ бханте ра̄джа̄нам̣йева пасенадим̣ косалам̣ а̄раббха бха̄ситам̣. ра̄джа̄ бханте пасенади косало малликам̣ девим̣ етадавоча ‘‘аттхи ну кхо те маллике кочан̃н̃о аттана̄ пийатаро’’ти. тасмим̣ ваттхусмим̣ сабба̄диса̄ анупаригамма четаса̄ти евама̄дина̄ бханте бхагавата̄ бха̄ситам̣.

сабба̄ диса̄ анупаригамма четаса̄, неваджджхага̄ пийатараматтана̄ квачи. евам̣ пийо путху атта̄ паресам̣, тасма̄ на хим̣се параматтака̄мо–

саттаджат̣иласутта

пуччха̄ – тена̄вусо бхагавата̄…пе… самма̄самбуддхена саттаджат̣иласуттам̣ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – са̄ваттхийам̣ бханте ра̄джа̄нам̣ пасенадим̣ косалам̣ а̄раббха бха̄ситам̣. ра̄джа̄ бханте пасенади косало ачирапаккантесу саттасу ча джат̣илесу саттасу ча ниган̣т̣хесу саттасу ча ачелакесу саттасу ча екаса̄т̣акесу саттасу ча парибба̄джакесу йена бхагава̄ тенупасан̇ками, упасан̇камитва̄ бхагавантам̣ абхива̄детва̄ екамантам̣ нисӣди, екамантам̣ нисинно кхо бханте ра̄джа̄ пасенади косало бхагавантам̣ етадавоча ‘‘йе те бханте локе араханто ва̄ арахаттамаггам̣ ва̄ сама̄панна̄, ете тесам̣ ан̃н̃атара̄’’ти. тасмим̣ бханте ваттхусмим̣ ‘‘дуджджа̄нам̣ кхо етам̣ маха̄ра̄джа тайа̄ гихина̄ ка̄мабхогина̄ путтасамба̄дхасайанам̣ аджджха̄васантена ка̄син̣ачанданам̣ паччанубхонтена ма̄ла̄гандхавилепанам̣ дха̄райантена джа̄тарӯпараджатам̣ са̄дийантена ‘‘име ва̄ араханто, име ва̄ арахаттамаггам̣ сама̄панна̄’’ти евама̄дина̄ бханте бхагавата̄ бха̄ситам̣.

на ван̣н̣арӯпена наро суджа̄но, на виссасе иттарадассанена;

сусан̃н̃ата̄нан̃хи вийан̃джанена, асан̃н̃ата̄ локамимам̣ чаранти.

патирӯпако маттика̄кун̣д̣алова, лохад̣д̣хама̄сова суван̣н̣ачханно;

чаранти локе парива̄рачханна̄, анто асуддха̄ бахисобхама̄на̄-хӯ

пан̃чара̄джасутта

пуччха̄ – пан̃чара̄джасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – са̄ваттхийам̣ бханте ра̄джа̄нам̣йева пасенадим̣ косалам̣ а̄раббха бха̄ситам̣. ра̄джа̄ бханте пасенади косало бхагавантам̣ етадавоча ‘‘ким̣ ну кхо бханте ка̄ма̄нам̣ агга’’нти. тасмим̣ бханте ваттхусмим̣ ‘‘мана̄папарийантам̣ кхва̄хам̣ маха̄ра̄джа пан̃часу ка̄магун̣есу агганти вада̄мӣ’’ти евама̄дина̄ бханте бхагавата̄ бха̄ситам̣.

идха бханте амха̄кам̣ пан̃чаннам̣ ра̄джӯнам̣ пан̃чахи ка̄магун̣ехи самаппита̄нам̣ саман̇гӣбхӯта̄нам̣ парича̄райама̄на̄нам̣ айамантара̄катха̄ удапа̄дим̣ ‘ким̣ ну кхо ка̄ма̄нам̣ агга’нти–

падумам̣ йатха̄ коканадам̣ сугандхам̣, па̄то сийа̄ пхулламавӣтагандхам̣. ан̇гӣрасам̣ пасса вирочама̄нам̣, тапантама̄диччамиванталиккхе–

дутийаапуттакасутта

пуччха̄ – дутийаапуттакасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – са̄ваттхийам̣ бханте ра̄джа̄нам̣йева пасенадим̣ косалам̣ а̄раббха бха̄ситам̣. ра̄джа̄ бханте пасенади косало бхагавантам̣ упасан̇камитва̄ ‘‘идха бханте са̄ваттхийам̣ сет̣т̣хи гахапати ка̄лан̇като, тамахам̣ апуттакам̣ са̄патеййам̣ ра̄джантепурам̣ атихаритва̄ а̄гаччха̄мӣ’’ти евама̄дикам̣ вачанам̣ авоча. бхагава̄ ча бханте ‘‘еваметам̣ маха̄ра̄джа, еваметам̣ маха̄ра̄джа, бхӯтапуббам̣ со маха̄ра̄джа сет̣т̣хи гахапати таггарасикхим̣ на̄ма паччекасамбуддхам̣ пин̣д̣апа̄тена пат̣ипа̄десӣ’’ти евама̄дина̄ тасса сет̣т̣хисса гахапатисса атӣтам̣ ваттхум̣ а̄харитва̄ парийоса̄не чатӯхи га̄тха̄хи бха̄ситам̣.

дхан̃н̃ам̣ дханам̣ раджатам̣ джа̄тарӯпам̣, париггахам̣ ва̄пи йадаттхи кин̃чи,

да̄са̄ каммакара̄ песса̄, йе часса ануджӣвино.

саббам̣ на̄да̄йа гантаббам̣, саббам̣ никкхиппага̄минам̣;

йан̃ча кароти ка̄йена, ва̄ча̄йа удачетаса̄.

тан̃хи тасса сакам̣ хоти, там̣ва а̄да̄йа гаччхати;

там̣васса анугам̣ хоти, чха̄йа̄ва анапа̄йинӣ.