чханнавагга

пун̣н̣асутта

пуччха̄ – чханнавагге пана̄вусо пан̃чамам̣ сам̣гӣтам̣ пун̣н̣асуттам̣ бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – са̄ваттхийам̣ бханте а̄йасмантам̣ пун̣н̣аттхерам̣ а̄раббха бха̄ситам̣, а̄йасма̄ бханте пун̣н̣аттхеро бхагавантам̣ етадавоча ‘‘са̄дху ме бханте бхагава̄ сам̣кхиттена дхаммам̣ десету, йамахам̣ бхагавато дхаммам̣ сутва̄ еко вӯпакат̣т̣хо аппаматто а̄та̄пӣ пахитатто вихареййа’’нти. тасмим̣ ваттхусмим̣ ‘‘санти кхо пун̣н̣а чаккхувин̃н̃еййа̄ рӯпа̄ ит̣т̣ха̄ канта̄ мана̄па̄ пийарӯпа̄ ка̄мӯпасам̣хита̄ раджанӣйа̄, тан̃че бхиккху абхинандати абхивадати аджджхоса̄йа тит̣т̣хати, тасса там̣ абхинандато абхивадато аджджхоса̄йа тит̣т̣хато уппаджджати нандӣ, нандӣ самудайо дуккхасамудайо пун̣н̣а̄ти вада̄мӣ’’ти евама̄дина̄ бханте бхагавата̄ бха̄ситам̣.

пуччха̄ – еван̃ча̄вусо бхагава̄ а̄йасмато пун̣н̣аттхерасса сам̣кхиттена ова̄дам̣ датва̄ катхан̃ча нам̣ пат̣ипуччхи, катхан̃ча со бхагавато а̄рочеси, катхан̃часса̄йасмато пун̣н̣аттхерасса абхисампара̄йо ахоси.

виссаджджана̄ – евам̣ кхо бханте бхагава̄ а̄йасмато пун̣н̣аттхерасса сам̣кхиттена ова̄дам̣ датва̄ ‘‘имина̄ твам̣ пун̣н̣а майа̄ сам̣кхиттена ова̄дена овадито катамасмим̣ джанападе вихариссасӣ’’ти там̣ а̄йасмантам̣ пун̣н̣аттхерам̣ пат̣ипуччхи. со ча бханте а̄йасма̄ ‘‘аттхи бханте суна̄паранто на̄ма джанападо, таттха̄хам̣ вихарисса̄мӣ’’ти евама̄дина̄ бхагавато а̄рочеси. со хи бханте а̄йасма̄ суна̄паранте джанападе васитва̄ тенева антаравассена тиссо виджджа̄ саччха̄ка̄си. тенева антаравассена паринибба̄йи. евам̣ кхо бханте тасса а̄йасмато абхисампара̄йо ахоси.

санти кхо тасса бхагавато са̄вака̄ ка̄йена ча джӣвитена ча ат̣т̣ӣйама̄на̄ хара̄йама̄на̄ джигуччхама̄на̄ саттхаха̄ракам̣ парийесанти.

саккхиссаси кхо твам̣ пун̣н̣а имина̄ дамӯпасамена саманна̄гато суна̄парасантасмим̣ джанападе ваттхум̣.