га̄ман̣исам̣йутта

чан̣д̣асутта

пуччха̄ – тена̄вусо бхагавата̄…пе… самма̄самбуддхена га̄ман̣исам̣йутте пат̣хамам̣ чан̣д̣асуттам̣ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – са̄ваттхийам̣ бханте чан̣д̣ам̣ га̄ман̣им̣ а̄раббха бха̄ситам̣. чан̣д̣о бханте га̄ман̣и бхагавантам̣ етадавоча ‘‘ко ну кхо бханте хету ко паччайо, йена мидхекаччо чан̣д̣о чан̣д̣отвева сан̇кхам̣ гаччхати. ко пана бханте хету ко паччайо, йена мидхекаччо сорато соратотвева сан̇кхам̣ гаччхатӣ’’ти. тасмим̣ бханте ваттхусмим̣ ‘‘идха га̄ман̣и екаччасса ра̄го аппахӣно хоти, ра̄гасса аппахӣнатта̄ паре копенти, парехи копийама̄но копам̣ па̄тукароти, со чан̣д̣отвева сан̇кхам̣ гаччхатӣ’’ти евама̄дина̄ бхагавата̄ бха̄ситам̣.

кхеттӯпамасутта

пуччха̄ – таттхева а̄вусо пора̄н̣акехи дхаммасам̣га̄хакамаха̄тхерехи саттамам̣ сам̣гӣтам̣ кхеттӯпамасуттам̣ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – на̄л̣анда̄йам̣ бханте па̄ва̄рикамбаване асибандхакапуттам̣ га̄ман̣им̣ а̄раббха бха̄ситам̣. асибандхакапутто бханте га̄ман̣и бхагавантам̣ етадавоча ‘‘нану бханте бхагава̄ саббапа̄н̣абхӯтахита̄нукампӣ вихаратӣти. евам̣ га̄ман̣и татха̄гато саббапа̄н̣абхӯтахита̄нукампӣ вихаратӣти. атха кин̃чарахи бханте бхагава̄ екачча̄нам̣ саккаччам̣ дхаммам̣ десети, екачча̄нам̣ но татха̄ саккаччам̣ дхаммам̣ десетӣ’’ти. тасмим̣ бханте ваттхусмим̣ ‘‘тена хи га̄ман̣и тан̃н̃еветтха пат̣ипуччхисса̄ми, йатха̄ те кхамеййа, татха̄ нам̣ бйа̄кареййа̄сӣ’’ти евама̄дина̄ бхагавата̄ бха̄ситам̣.

сан̇кхадхамасутта

пуччха̄ – таттхева а̄вусо пора̄н̣акехи дхаммасам̣га̄хака маха̄тхерехи ат̣т̣хамам̣ сам̣гӣтам̣ сан̇кхадхамасуттам̣ бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – на̄л̣анда̄йам̣йева бханте па̄ва̄рикамбаване асибандхакапуттам̣ га̄ман̣им̣ ниган̣т̣хаса̄вакам̣ а̄раббха бха̄ситам̣. бхагава̄ бханте асибандхакапуттам̣ га̄ман̣им̣ ниган̣т̣хаса̄вакам̣ етадавоча ‘‘катхам̣ ну кхо га̄ман̣и ниган̣т̣хо на̄т̣апутто са̄вака̄нам̣ дхаммам̣ десетӣ’’ти. евам̣ кхо бханте ниган̣т̣хо на̄т̣апутто са̄вака̄нам̣ дхаммам̣ десети ‘‘йо кочи па̄н̣ам̣ атипа̄тети, саббо со а̄па̄йико нерайико. (пеййа̄ла) йам̣бахулам̣ йам̣бахулам̣ вихарати, тена тена нӣйатӣ’’ти. тасмим̣ бханте ваттхусмим̣ ‘‘йам̣бахулам̣ йам̣бахулан̃ча га̄ман̣и вихарати, тена тена нӣйати, евам̣ санте на кочи а̄па̄йико нерайико бхависсати, йатха̄ ниган̣т̣хасса на̄т̣апуттасса вачана’’нти евам̣ кхо бхагавата̄ сам̣кхиттена бха̄ситам̣.

йам̣ бахулава̄да

пуччха̄ – катхан̃ча̄вусо таттха бхагавата̄ йам̣бахулава̄де досо пака̄сито.

виссаджджана̄ – там̣ ким̣ ман̃н̃аси га̄ман̣и, йо со пурисо па̄н̣а̄типа̄тӣ раттийа̄ ва̄ дивасасса ва̄ самайа̄самайам̣ упа̄да̄йа катамо бахутаро самайо йам̣ ва̄со па̄н̣аматипа̄тети. йам̣ ва̄ со па̄н̣ам̣ на̄типа̄тетӣти евама̄дина̄ бханте таттха бхагавата̄ асибандхакам̣ ниган̣т̣хана̄т̣апуттасса са̄вакам̣ га̄ман̣им̣ пуччхитва̄ пуччхитва̄ йам̣бахулава̄де досо пака̄сито.

пуччха̄ – катхан̃ча̄вусо таттха бхагавата̄ анекам̣са випа̄какаммасса екам̣ савипа̄кава̄де досо пака̄сито.

виссаджджана̄ – идха га̄ман̣и екаччо саттха̄ евам̣ва̄дӣ хоти евам̣дит̣т̣хи йо кочи па̄н̣аматипа̄тети, саббо со а̄па̄йико нерайикоти евама̄дина̄ бханте таттха бхагавата̄ анекам̣са каммавипа̄касса екам̣савипа̄кава̄де досо виттха̄ретва̄ пака̄сито.

пуччха̄ – катхан̃ча̄вусо таттха бхагавата̄ йатха̄дхаммаса̄сане гун̣овибхаджитва̄ пака̄сито.

виссаджджана̄ – идха пана га̄ман̣и татха̄гато локе уппаджджати арахам̣ самма̄самбуддхо виджджа̄чаран̣асампанно сугато локавидӯ ануттаропуриса даммаса̄ратхи саттха̄деваманусса̄нам̣ буддхо бхагава̄, со анекапарийа̄йена па̄н̣а̄типа̄там̣ гарахати вигарахати. ‘‘па̄н̣а̄типа̄та̄ вираматха̄’’ти ча̄ха̄ти евама̄дина̄ бханте бхагавата̄ таттха йатха̄дхаммаса̄сане гун̣о виттха̄ретва̄ пака̄сито.

бхадракасутта

пуччха̄ – таттхева а̄вусо пора̄н̣акехи дхаммасам̣га̄хакамаха̄тхерехи ека̄дасамам̣ сам̣гӣтам̣ бхадракасуттам̣ бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – маллесу бханте урувелакаппена̄ма малла̄нам̣ нигаме бхадракам̣ га̄ман̣им̣ а̄раббха бха̄ситам̣. бхадрако бханте га̄ман̣и бхагавантам̣ етадавоча ‘‘са̄дху ме бханте бхагава̄ дуккхасса самудайан̃ча аттхан̇гаман̃ча десетӯ’’ти. тасмим̣ бханте ваттхусмим̣ ‘‘ахан̃че те га̄ман̣и атӣтамаддха̄нам̣ а̄раббха дуккхасса самудайан̃ча аттхан̇гаман̃ча десеййам̣ ‘евам̣ ахоси атӣтамаддха̄на’нти. татра те сийа̄ кан̇кха̄ сийа̄ виматӣ’’ти евама̄дина̄ бхагавата̄ бха̄ситам̣.

са̄дху ме бханте бхагава̄ дуккхасса

самудайан̃ча аттхан̇гаман̃ча десету–

‘‘там̣ ким̣ ман̃н̃аси га̄ман̣и, аттхи урувелакаппе манусса̄’’ –

ра̄сийасутта

пуччха̄ – тена̄вусо бхагавата̄…пе… самма̄самбуддхена га̄ман̣исам̣йутте два̄дасамам̣ сам̣гӣтам̣ ра̄сийасуттам̣ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – маллесу бханте урувелакаппена̄ма малла̄нам̣ нигаме ра̄сийам̣ га̄ман̣им̣ а̄раббха бха̄ситам̣. ра̄сийо бханте га̄ман̣и бхагавантам̣ упасан̇камитва̄ етададоча ‘‘сутам̣ ме бханте ‘саман̣о готамо саббам̣ тапам̣ гарахати, саббам̣ тамассим̣ лӯкхаджӣвим̣ екам̣сена упавадати упаккосатӣ’’ти. йе те бханте евама̄хам̣су ‘саман̣о готамо саббам̣ тапам̣ гарахати, саббам̣ тапассим̣ лӯкхаджӣвим̣ екам̣сена упавадати упаккосатӣ’’ти. каччи те бханте бхагавато вуттава̄дино, на ча бхагавантам̣ абхӯтена аббха̄чиккханти, дхаммасса ча̄нудхаммам̣ бйа̄каронтӣ’’ти. тасмим̣ бханте ваттхусмим̣ йе те га̄ман̣и евама̄хам̣су ‘‘саман̣о готамо саббам̣ тапам̣ гарахати, саббам̣ тапассим̣ лӯкхаджӣвим̣ екам̣сена упавадати упаккосатӣ’’ти евама̄дина̄ бхагавата̄ бха̄ситам̣.

пуччха̄ – катхан̃ча̄вусо таттха бхагавата̄ гарахитабба̄гарахитабба̄ ка̄мабхогино виттха̄рена вибхаджитва̄ пака̄сита̄.

виссаджджана̄ – тайо кхо ме га̄ман̣и ка̄мабхогино санто сам̣виджджама̄на̄ локасмим̣. катаме тайо. идха га̄ман̣и екаччо ка̄мабхогӣ адхаммена бхоге парийесати са̄хасена, адхаммена бхоге парийеситва̄ са̄хасена на атта̄нам̣ сукхети на пӣн̣ети, на сам̣вибхаджати на пун̃н̃а̄ни каротӣти евама̄дина̄ бханте таттха бхагавата̄ гарахитабба̄гарахитабба̄ ка̄мабхогино виттха̄рена вибхаджитва̄ пака̄сита̄.

пуччха̄ – катхан̃ча̄вусо таттха бхагавата̄ гарахитабба̄гарахитабба̄ тапассино лӯкхаджӣвино виттха̄рена вибхаджитва̄ пака̄сита̄.

виссаджджана̄ – тайо ме га̄ман̣и тапассино лӯкхаджӣвино санто сам̣виджджама̄на̄ локасмим̣. катаме тайо. идха га̄ман̣ӣ екаччо тапассӣ лӯкхаджӣвӣ саддха̄ ага̄расма̄ анага̄рийам̣ паббаджито хоти ‘‘аппева на̄ма кусалам̣ дхаммам̣ адхигаччхеййам̣, аппева на̄ма уттаримануссадхамма̄ аламарийан̃а̄н̣адассанависесам̣ саччхикареййа’’нти, со атта̄нам̣ а̄та̄пети парита̄пети, кусалан̃ча дхаммам̣ на̄дхигаччхати, уттари ча мануссадхамма̄ аламарийан̃а̄н̣адассанависесам̣ на саччхикаротӣти евама̄дина̄ бханте таттха бхагавата̄ гарахитабба̄гарахитабба̄ тапассино лӯкхаджӣвино виттха̄рена вибхаджитва̄ пака̄сита̄.