абйа̄катасам̣йутта

кхема̄сутта

пуччха̄ – абйа̄катасам̣йутте пана̄вусо пора̄н̣акехи дхаммасам̣га̄хака маха̄тхерехи пат̣хамам̣ сам̣гӣтам̣ кхема̄суттам̣ каттха кам̣ а̄раббха кисмим̣ ваттхусмим̣ кена катхан̃ча бха̄ситам̣. катхан̃ча там̣ бхагавата̄пи пуна бха̄ситам̣.

виссаджджана̄ – антара̄ ча бханте са̄ваттхим̣ антара̄ ча са̄кетам̣ торан̣аваттхусмим̣ падесе ра̄джа̄нам̣ пасенадим̣ косалам̣ а̄раббха кхема̄йа бхиккхунийа̄ бха̄ситам̣. ра̄джа̄ бханте пасенади косало йена кхема̄ бхиккхунӣ тенупасан̇ками, упасан̇камитва̄ абхива̄детва̄ екамантам̣ нисӣди, екамантам̣ нисинно кхо бханте ра̄джа̄ пасенадикосало кхемам̣ бхиккхуним̣ етадавоча ‘‘ким̣ нукхо аййе хоти татха̄гато парам̣маран̣а̄’’ти. тасмим̣ бханте ваттхусмим̣ ‘‘абйа̄катам̣ кхо етам̣ маха̄ра̄джа бхагавата̄ хоти татха̄гато парам̣ маран̣а̄’’ти евама̄дина̄ кхема̄йа бхиккхунийа̄ бха̄ситам̣. бхагавата̄ ча бханте апарена самайена ран̃н̃а̄ пасенадикосалена пут̣т̣хена евамева пуна бха̄ситам̣.

ким̣ панаййе нахоти татха̄гато парам̣ маран̣а̄.

кутӯхаласа̄ла̄сутта

пуччха̄ – таттхева а̄вусо пора̄н̣акехи дхаммасам̣га̄хакамаха̄тхерехи навамам̣ сам̣гӣтам̣ кутӯхаласа̄ла̄суттам̣ бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – веса̄лийам̣ бханте ваччхаготтам̣ парибба̄джакам̣ а̄раббха бха̄ситам̣. ваччхаготто бханте парибба̄джако бхагавантам̣ упасан̇камитва̄ ‘‘пурима̄ни бхо готама диваса̄ни пуриматара̄ни самбахула̄нам̣ на̄на̄титтхийа̄нам̣ саман̣абра̄хман̣а̄нам̣ парибба̄джака̄нам̣ кутӯхаласа̄ла̄йам̣ саннисинна̄нам̣ саннипатита̄нам̣ айамантаракатха̄ удапа̄дӣ’’ти евама̄дикам̣ вачанам̣ авоча. тасмим̣ бханте ваттхусмим̣ ‘‘алан̃хи те ваччха кан̇кхитум̣, алам̣ вичикиччхитум̣. кан̇кханӣйе ча пана те т̣ха̄не вичикиччха̄ уппанна̄’’ти евама̄дина̄ бхагавата̄ бха̄ситам̣.