самуддавагга

ба̄л̣исикопамасутта

пуччха̄ – самуддавагге пана̄вусо татийам̣ ба̄л̣исикопамасуттам̣ бхагавата̄ каттха кам̣ а̄раббха бха̄ситам̣.

виссаджджана̄ – ра̄джагахе бханте джӣвакамбаване самбахуле бхиккхӯ а̄раббха ‘‘сеййатха̄пи бхиккхаве ба̄л̣исико а̄мисагатабал̣исам̣ гамбхӣре удакарахаде паккхипеййа̄’’ти евама̄дина̄ бхагавата̄ бха̄ситам̣.

а̄диттапарийа̄йасутта

пуччха̄ – сал̣а̄йатанаваггасам̣йутте самуддавагге пана̄вусо пора̄н̣акехи дхаммасам̣га̄хакамаха̄тхерехи сам̣гӣтам̣ ат̣т̣хамам̣ а̄диттапарийа̄йасуттам̣ бхагавата̄ кам̣ а̄раббха катхан̃ча бха̄ситам̣.

виссаджджана̄ – самбахуле бханте бхиккхӯ а̄раббха ‘‘а̄диттапарийа̄йам̣ во бхиккхаве дхаммапарийа̄йам̣ десесса̄ми, там̣ сун̣а̄тха. катамо ча бхиккхаве а̄диттапарийа̄йо дхаммапарийа̄йо. варам̣ бхиккхаве татта̄йа айосала̄ка̄йа а̄дитта̄йа сампаджджалита̄йа саджотибхӯта̄йа чаккхундрийам̣ сампалимат̣т̣хам̣, натвева чаккхувин̃н̃еййесу рӯпесу анубйан̃джанасо нимиттагга̄хо’’тиа̄дина̄ бхагавата̄ бха̄ситам̣.