опаммасам̣йутта

накхасикхасутта

пуччха̄ – опаммасам̣йутте а̄вусо пора̄н̣акехи дхаммасам̣га̄хакамаха̄тхерехи сам̣гӣтам̣ накхасикхасуттам̣ бхагавата̄ каттха кам̣ а̄раббха катхан̃ча бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха ‘‘там̣ ким̣ ман̃н̃атха бхиккхаве, катамам̣ ну кхо бахутарам̣, йо ча̄йам̣ майа̄ паритто накхасикха̄йам̣ пам̣су а̄ропито, йа̄ ча̄йам̣ маха̄патхавӣ’’ти евама̄дина̄ бхагавата̄ бха̄ситам̣.

там̣ ким̣ ман̃н̃атха бхиккхаве, катамам̣ ну кхо бахутарам̣.

тасма̄тиха бхиккхаве евам̣ сиккхитаббам̣.

а̄н̣исутта

пуччха̄ – таттхева а̄вусо пора̄н̣акехи дхаммасам̣га̄хакамаха̄тхерехи сам̣гӣтам̣ а̄н̣исуттам̣ бхагавата̄ каттха кам̣ а̄раббха катхан̃ча бха̄ситам̣.

виссаджджана̄ – са̄ваттхийам̣йева бханте самбахуле бхиккхӯ а̄раббха ‘‘бхӯтапуббам̣ бхиккхаве даса̄раха̄нам̣ а̄нако на̄ма мудин̇го ахоси, тасса даса̄раха̄ а̄наке гхат̣ите ан̃н̃ам̣ а̄н̣им̣ одахим̣су, аху кхо со бхиккхаве самайо йам̣ а̄накасса мудин̇гасса пора̄н̣ам̣ поккхарапхалакам̣ антарадха̄йи, а̄н̣исан̇гха̄т̣ова авасиссӣ’’ти евама̄дина̄ бхагавата̄ бха̄ситам̣.