бхиккхусам̣йутта

навасутта

пуччха̄ – бхиккхусам̣йутте а̄вусо бхагавата̄ навасуттам̣ каттха кам̣ а̄раббха катхан̃ча бха̄ситам̣.

виссаджджана̄ – са̄ваттхийам̣ бханте ан̃н̃атарам̣ навам̣ бхиккхум̣ а̄раббха бха̄ситам̣. ан̃н̃атаро бханте наво бхиккху паччха̄бхаттам̣ пин̣д̣апа̄тапат̣икканто виха̄рам̣ пависитва̄ аппосукко тун̣хӣбхӯто сан̇каса̄йабхи, на бхиккхӯнам̣ веййа̄ваччам̣ кароти чӣварака̄расамайе тасмим̣ бханте ваттхусмим̣ ‘‘ма̄ кхо тумхе бхиккхаве етасса бхиккхуно уджджха̄йиттха̄ есо кхо бхиккхаве бхиккху чатуннам̣ джха̄на̄нам̣ а̄бхичетасика̄нам̣ дит̣т̣хадхамма сукхавиха̄ра̄нам̣ ника̄мала̄бхӣ акиччхала̄бхӣ акасирала̄бхӣ’’ти евама̄дина̄ бхагавата̄ бха̄ситам̣.

ахампи кхо бханте сакам̣ киччам̣ кароми,

есо кхо бхиккхаве бхиккху чатуннам̣ джха̄на̄нам̣ а̄бхичетасика̄нам̣ дит̣т̣хадхаммасукхавиха̄ра̄нам̣ ника̄мала̄бхӣ акиччхала̄бхӣ акасирала̄бхӣ –

найидам̣ ситхилама̄раббха, найидам̣ аппена тха̄маса̄;

нибба̄нам̣ адхигантаббам̣, саббадуккхаппамочанам̣;

айан̃ча дахаро бхиккху, айамуттамапурисо;

дха̄рети антимам̣ дехам̣, джетва̄ ма̄рам̣ сава̄хиним̣–